Casgliadau min y ffordd yng Ngwynedd, Dyffryn Dyfi

Erbyn hyn dosbarthwyd 42,000 o flychau ailgylchu glas i dai ledled Gwynedd - sef bron i 70% o dai preswyl.

Mae Cyngor Gwynedd wedi'u cyflwyno i bob tref a phentref yn y Sir, ac y mae'n ystyried dulliau o gasglu mwy o dai yng nghefn gwlad.

Mae'r blychau'n cael eu gwagio o fin y ffordd bob pythefnos a gofynnir i'r rhai sy'n cymryd rhan wahanu'r eitemau a'u rhoi mewn bagiau siopio plastig, fydd hefyd yn cael eu hailgylchu.

Maent yn casglu'r eitemau canlynol

• PAPUR: papurau newydd, cylchgronau, llyfrau ffôn ayb
• GWYDR: poteli a jariau gwydr heb eu torri
• Batris domestig
• CANIAU: caniau bwyd a diod, aerosolau a ffoil
• DILLAD: dillad sych, esgidiau (parau) a blancedi

Nid ydynt yn casglu

• DIM amlenni, papur brown na chardbord
• DIM crochenwaith, pyrex, gwydrau, sbectolau, ffenestri nag eitemau budr
• DIM eitemau budr
• DIM clustogau na chwiltiau
• DIM batris ceir

Adegau casglu

Os ydych mewn ardal gasglu, dylech fod wedi derbyn calendr print yn nodi'r dyddiau casglu.

Os nad ydych, ffoniwch y rhif isod os gwelwch yn dda.

Rhagor o wybodaeth gan y cyngor ar (01341) 424 412 neu: ailgylchu@gwynedd.gov.uk (recycling@gwynedd.gov.uk).