Gwybodaeth cynllun Gwastraff ecodyfi

Ffurfiwyd prosiect Gwylwyr Gwastraff ym Mro Ddyfi i helpu'r trigolion i ailgylchu mwy a lleihau gwastraff, i gompostio gwastraff y gegin a'r ardd ac i wario llai ar ynni. Byddwn yn dechrau yn y prif stadau tai.

Bydd Gwylwyr Gwastraff yn paratoi gwybodaeth, cyngor a chefnogaeth. Byddwn yn hapus i siarad a chi yn eich cartref, yn Nhy Bro Ddyfi neu mewn digwyddiadau cymunedol. Byddwn yn gallu cynnig help ymarferol fel biniau compostio hefyd, neu hyd yn oed arddio cymunedol.
Bydd cefnogaeth ar gael i unrhyw un fyddai'n fodlon gweithio fel cysylltydd neu gynghorwr/wraig ar ei stad dai.

Os hoffech drafod unrhyw un o'r materion uchod ffoniwch 01654 703965 neu e-bostiwch info@ecodyfi.org.uk.

Diolch i noddwyr ein cynllun:

Derbyniwyd cymorth gan Cae, cronfa dan ofal Parc Cenedlaethol Eryri, i greu'r swydd leihau gwastraff. Mae hefyd wedi rhoi rhagor o arian ar gyfer cynlluniau megis y cynllun compostio cartref diweddar.

Ceir arian craidd gan Amgylchedd Cymru i alluogi'r swydd i barhau. Maent hefyd wedi rhoi hwb i adnoddau'r ymgyrch clytiau go iawn.

Bu Cyngor Sir Powys yn cefnogi'r cynllun ers rhai blynyddoedd.