Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Y Plas, Machynlleth, Powys, SY20 8ER, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

Uchod: Yr Aelod Seneddol lleol, Lembit Opik ar gefn ei feic ynghanol plant yn ystod y seremoni agoriadol. Canol: Rhannu'r deisen; Ar y Dde: Cwrdd â'r wasg o dan loches yr Hafan Ieuenctid.

Diwrnod agoriadol, Rhagfyr 4ydd 2004

Nod prosiect TZM yw darparu cyfleusterau chwaraeon olwynion i ieuenctid Machynlleth, ar gyfer sglefr-fyrddio, troed-rolio, beicio ayb.

Mae lloches tair ochr hefyd ynghlwm â'r cyfleuster.

Pobl ifanc lleol sydd wedi adeiladu'r lloches gyda chymorth seiri coed a hunan-adeiladwyr cymwysedig, gan ddefnyddio defnyddiau cynaliadwy.

Trydedd elfen yw ardal natur gyfagos, a reolir yn ysgafn gan Ymddiriedolaeth Bywyd Gwyllt�Sir Drefaldwyn�ar gyfer pobl o bob oed.

Mae�r cyfan wedi cael ei adeiladu yn y Plas y tu ôl i le chwarae'r plant hynaf, ar ddarn o dir yng ngwaelod y meysydd p�l-droed a rygbi.

Y cynllun - hanes personol gan y cydlynydd gwirfoddol (Clive Thomas)

"Ar ddechrau'r Gwanwyn yn y flwyddyn 2000, tra'n gweithio fel Rheolwr Gweithredu yn Celtica, profodd fandaliaeth i fod yn broblem yno. Yn ystod y misoedd i ddod, bum yn ymdrechu i'roi terfyn ar y fandaliaeth, ond ofer fu fy ymdrechion.

Amlygodd nad oedd fy nulliau o geisio rhwystro'r fandaliaeth yn llwyddo.

O ganlyniad i hyn, penderfynais ar roi cynnig ar gyfathrebu i'r plant � oedd yn gysylltiedig er mwyn ceisio dod at wraidd eu rhesymau.

Ar ôl trin a thrafod, gofynnais iddynt os fyddai modd iddynt ysgrifennu'r hyn a drafodwyd (adroddiad yn amgaeîdig). Yn dilyn hyn, daeth i'r amlwg nad ymdrechion maleisus oedd y tu cefn i'r fandaleiddio ond diflastod llwyr, fel y mynegodd y bobl ifanc:

"Does dim i'w wneud nac unlle i fynd."

Ar ôl derbyn a darllen yr adroddiad, penderfynais gysylltu ag eraill yn ardal Machynlleth a oedd wedi bod mewn cysylltiad� fandaliaeth; rhai a fyddai � diddordeb ym mhobl ifanc yr ardal. Yn ogystal � hyn, cysylltais â'r rhai a fyddai â'r gallu i gofnodi gwahanol agweddau o fywydau pobl ifanc o ddydd i ddydd.

Gwahoddwyd y bobl yma i gyfarfod â'r bobl ifanc a fu'n fandaleiddio er mwyn trafod cynnwys yr adroddiad a'r goblygiadau.

Yn ystod y cyfarfod cyntaf, dywedodd y bobl ifanc mae'r hyn oedd angen arnynt oedd rhywle i fynd lle'r oedd modd iddynt fod yn "nhw'u hunain." Rhywle lle na fyddai oedolion yn dweud wrthynt beth i'w wneud.

O hyn yr esblygodd Hafan Machynlleth.

O'r cychwyn cyntaf, bwriad y cynllun a ffurfiwyd oedd caniat�u i'r pwyllgor gael ei arwain gan yr ifanc, darparu cyfleusterau sglefrio a chysgodfan yn ogystal � bod yn gynllun cymunedol a fyddai'n hyrwyddo hunan gymorth, hunan werth a chyfrwng i'r ifanc i gael blas ar gyflawnu a boddhad.

Yn wreiddiol, roedd yna ymdeimlad gan rai mai rhywbeth ar gyfer y bechgyn oedd y cynllun; cywirwyd hyn gan bwysleisio fod y cynllun wedi ei baratoi ar gyfer pawb.

Wrth ganiat�u i'r grwp drafod y materion yn agored, datgelwyd eu pryderon, a thrwy gytundeb, cytunwyd ar gynllun gweithredu.

Wrth fynd trwy wahanol gamau o'r cynllun, ymgynghorwyd â'r ifanc yn ogystal â sicrhau eu cysylltiad wrth benderfynu ar y cynlluniau â'r pwrpas.

Gofynnais i adran gynllunio Cyngor Sir Powys i ddod i drafod â'r grwp er mwyn egluro proses yr adran gynllunio.

Yn ffodus, roedd yn bosib i Mr David Ladd ymateb. Trafodwyd yr holl agweddau cynllunio gan gynnwys Iechyd a Diogelwch, a Chyfleodd Cyfartal.

Yn dilyn y cyfarfod bum yn trafod gyda'r grwp a phensaer y cynllun; trafodwyd yr wybodaeth ddiweddaraf a chynnwys y cynlluniau arfaethedig.

Roedd yn rhaid i'r cynlluniau fod yn gymeradwy gan ROSPA, Rroedd yn rhaid cael goleuadau, a gwnaethpwyd asesiad risg ar yr offer â'r gweithgareddau. Mae rampiau wedi'u gosod er mwyn caniat�u mynedfa i gadeiriau olwyn.

Anogwydy grwp i ddefnyddio eu gwybodaeth yn ymarferol gan roi ystyriaeth i'r goblygiadau, yr amddiffyniadau angenrheidiol a phwysigrwydd Iechyd a Diogelwch a Chyfleodd Cyfartal mewn amgylchedd cymdeithasol a gweithredol.

Gofynnwyd i rieni'r dref am eu hymateb i gynlluniau'r gysgodfan. Mynegwyd eu pryderon ynglnâ'r safle â'r ffaith ei fod yn adeilad pedair ochr. Roeddynt yn bryderus yngln â bwlio, yfed dan oed, cyffuriau a phwysau gan eu cyfoedion.

Trafodwyd yr ofnau gydâ'r grwp a daethpwyd at benderfyniad ar y cyd; yn wreiddiol penderfynwyd ar wneud y gysgodfan yn dair ochr gydâ'r gallu o ychwanegu ochr arall petai yn cael ei ddefnyddio yn ôl y gofynion.

Cytunwyd y byddai adeilad gyda gwelededd o'r math yn caniat�u i'r defnyddwyr deimlo'n fwy diogel. Bydd y gysgodfan yn gynllun hunanadeiladol gyda thiwtoriaid yn arwain y grwp.

Anogwyd y grwp i benderfynu ar y canllawiau.

Byddai'r canllawiau yma yn cael eu defnyddio yn y broses o adeiladu yn ogystal ag arddweud y datblygiad yn y dyfodol.

Trafodwyd bwlio, yfed dan oed, cyffuriau, gwrthdaro a nifer o faterion eraill. Yn naturiol, rhoddwyd mwy o sylw i'r materion hynny a oedd yn ennyn diddordeb personol i rai o aelodau â'r grwp.

Trafodwyd y peryglon o gam 'drin gwahanol sylweddau yn ogystal ag ymddygiad anghymdeithasol â'r goblygiadau yng nghyd-destun y cynllun.

Gobeithiwn yn fawr y bydd gan Fachynlleth, yn dilyn cyflawni'r cynllun, barc sglefrio a chysgodfan yn ogystal â man cyfarfod na fydd yn peri gwrthdaro.

Bydd y profiad yn cynorthwyo datblygiad y bobl ifanc wrth ddysgu i gymdeithasu a bod yn annibynnol, trosglwyddo'r ymdeimlad o berchnogaeth a balchder o fewn eu cymdogaeth a'i weld yn rhywbeth adeiladol yn hytrach na phrofiad dinistriol."