Ecodyfi yn mynd i'r afael â
gwastraff
|
|
Ecodyfi yn mynd i'r afael â
gwastraff
|
|
|
|
Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|  Penodwyd dau weithiwr rhan-amser, Kestrel Maranta a Tom O Kane, gan ecodyfi, corff adfywio Dyffryn Dyfi, er mwyn cynorthwyo'r gymuned i leihau ei gwastraff. Mae'r gwastraff a gynhyrchir gan gwmnïau a phreswylwyr yn broblem gynyddol. Nid yw ei gladdu'n datrys y broblem gan ein bod yn rhedeg allan o dyllau. Mae'n rhaid cael defnyddiau o'r newydd yn lle'r rhai a waredwyd, ac achosir llygredd gan y gweithgareddau hyn. Mae claddu defnyddiau sy'n pydru yn arbennig o beryglus gan fod hyn yn creu methan, sef un o'r nwyon â'r gallu mwyaf i achosi newid yn yr hinsawdd. "Dydi llawer o'r defnyddiau hyn ddim yn wastraff beth bynnag", meddai Tom. "Maen nhw'n adnodd y gallwn fanteisio arno i greu compost gwerthfawr, defnydd gwelyau anifeiliaid, cynnyrch papur ac ati." Mae Tom eisoes wedi cynhyrchu taflen sy'n darparu gwybodaeth ymarferol ynglwn â mannau i breswylwyr Dyffryn Dyfi fynd â phethau diangen, iddynt gael eu hailddefnyddio neu eu hailgylchu. Mae n chwilio am bobl sy n barod i roi r daflen ym mlwch llythyrau eu cymdogion, er mwyn i bawb gael copi. Mae r daflen hefyd ar gael yn swyddfeydd ecodyfi yn Y Plas, Machynlleth, drwy ffonio 01654 703965 ac yma. Bwriad y prosiect yw cynorthwyo pobl i ddeall pwysigrwydd ailgylchu yn ogystal â sut i fynd ati. Mae mentrau ar y cyd ag ysgolion, grwpiau cymunedol a chwmnïau lleol yn cael eu trefnu. Er enghraifft, mae plant yn Ysgol Glantwymyn yn dod â 'sbwriel' glân o'u cartref ac yn ei ddidoli yn y dosbarth, ac yna bydd rhai rhieni yn mynd ag ef oddi yno i'r safle ailgylchu ym Machynlleth. Yn y modd yma bydd y teulu cyfan yn cymryd rhan, gan efallai sefydlu arferiad am oes. Bydd ecodyfi yn darparu storfa briodol ar gyfer yr ysgol ac y mae'n gobeithio medru sicrhau cytundeb i greu safle ailgylchu gerllaw ar gyfer gweddill y gymuned. Nododd trigolion Pennal fod compostio'n flaenoriaeth iddynt, a gwirfoddolodd dau o bobl i fod yn ymgynghorwyr compostio. Fe'u hyfforddwyd gan Kestrel yn y Ganolfan Dechnoleg Amgen yr wythnos diwethaf er mwyn galluogi iddynt hyrwyddo compostio cartref yn y pentref. Gobaith Tom hefyd yw cynnig cymorth i sefydlu safle compostio cymunedol ym Mhennal ar gyfer gwastraff o'r ardd. Mae Kestrel yn cydweithio ag ecodyfi, y Ganolfan Dechnoleg Amgen a Chyngor Powys i sefydlu gwasanaeth ailgylchu oddi ar garreg y drws ym Machynlleth. Mae ei phrif bwyslais ar gasglu gwastraff o'r gegin ond ei gobaith yw cynnwys defnyddiau ailgylchu 'caled' hefyd. Mae angen brys am safle i gompostio'r defnyddiau addas mewn unedau seliedig uwch-dechnolegol. "Mae arna'i eisio creu swyddi lleol a chyfleoedd hyfforddi yn ogystal â chyfyngu ar golli defnyddiau", meddai Kestrel. "Mi fuom yn eu rhoi i ffwrdd am ddim yn rhy hir!" Rhagor o wybodaeth: 21/3/03 |
||||||||||||||||||||||||||||||||||||||||
