|
 10/10/2006
 Bydd strydoedd Machynlleth wedi'u goleuo gan lusernau, tacirc;n gwyllt, ffilmiau ac wynebau rhwng yr 20fed a'r 28ain o Hydref fel y daw Gwyl newydd i'r dref.
Mae Gwyl y Golau - Dyfi Light Fest yn gwyl o gelfyddyd ddiwylliannol, gymdeithasol ac ecolegol - o ffilmiau i ffotograffiaeth bywyd gwyllt, dylunio, cerdded a dawnsio a'r cyfan yn dod i uchafbwynt gydag eiliadau o oleuni llachar - yn cynnwys sioe olau, gorymdaith lusernau a thân gwyllt - ym Machynlleth a'r cylch yng Nghanolbarth Cymru.
Dywedodd trefnydd yr gwyl, Phil Wheeler: "Bydd rhywbeth at ddant pawb, yr hen a'r ifanc, pobl leol ac ymwelwyr. Gallwch wneud eich llusernau eich hunain, ymuno yn y gerddoriaeth a'r dawnsio, cael reid yn y limosîn hir pinc neu gallwch fwynhau gwylio'r ffilmiau a'r tacirc;n gwyllt."
"Llynedd, roedd hanner y bobl yn yr orymdaith lusernau yn bobl o du allan i'r ardal. Eleni rydym yn gobeithio denu mwy."
Bydd yr wythnos yn dechrau am 8 o'r gloch Nos Wener Hydref 20fed ger Cloc Machynlleth gyda sioe olau trawiadol.
Bydd y sioe olau gyda'i thema pinc, ffilmiau yn cael eu dangos tu mewn i'r cloc, tafluniau gwyllt, pelydrau golau a cherddoriaeth yn rhagarweiniad i Ddydd Sadwrn a'r 'Pink Snowballs Awards' sy'n enwog erbyn hyn, ac a ddangoswyd yn genedlaethol yn 2005 pan ymddangosodd yr arwydd 'Hollywood' dros nos ar Benrallt.
Daw'r wythnos i uchafbwynt gyda'r orymdaith lusernau a thân gwyllt ym Machynlleth i gloi'r gweithgareddau. Bydd yr orymdaith lusernau yn dechrau am 6.30pm Ddydd Sadwrn, Hydref 28ain.
Bydd uchafbwyntiau eraill yn cynnwys cerddoriaeth fyw a dawnsio mewn pabell yng nghefn gwesty'r Llew Gwyn ym Machynlleth, ar Hydref 21ain (yn dilyn y gwobrau) a Hydref 27ain a'r 28ain hefyd.
Bydd gweithdai gwneud llusernau a phypedau yn cael eu cynnal ym Mhlas Machynlleth o Ddydd Llun y 23ain tan Ddydd Gwener y 27ain o Hydref, ac yn rhoi cyfle i bawb wneud eu llusernau eu hunain ac ymuno yn yr orymdaith.
Diolch arbennig i Gyngor Sir Powys, Cronfa Risg Cymdeithasol (Cyngor Gweithredu Gwirfoddol Cymru), Ymddiriedolaeth Paul Hamlyn, Cyngor Celfyddydau Cymru, Cyswllt Celf, Debbie Ashton o Oriel Llwyngwril, Y Co-op, Pebyll Roustabout, a'r holl rai a fu'n cynorthwyo ac yn noddi'r prosiect.
Mae manylion llawn yr gwyl i'w cael ar www.ecodyfi.org.uk/gwyl
Dywedodd Teresa Walters o ecodyfi, sy'n cefnogi'r gwyl: "Dyma'r gwyl gyntaf o'i math yng Nghymru ac rydym yn gobeithio ei gweld yn tyfu'n fwy ac yn fwy llachar bob blwyddyn. Ymunwch â ni i oleuo'r nos".
Am fwy o wybodaeth
Phil Wheeler: 01654 761275
Teresa Walters: 01654 703965
Gwybodaeth i newyddiadurwyr
1. Mae Machynlleth wedi ennill enw fel prifddinas bywyd gwyrdd.. Y mae hefyd draddodiad creadigol cryf yn yr ardal, a bydd llawer o artistiaid a cherddorion lleol i'w gweld yn cymryd rhan yn yr gwyl.
2. Cefnogir yr gwyl gan ecodyfi, y gr_p adfywio cymdeithasol yn Nyffryn Dyfi, ac fe'i noddir gan Gronfa Ymddiriedolaeth Cymunedau'n Gyntaf, Cyngor Sir Powys a Phartneriaeth Twristiaeth Canolbarth Cymru.
3. Lluniau ynghlwm - mwy o luniau ar gael dim ond gofyn.
4. Yn 2005 fe dynnodd arwydd Hollywood, a ymddangosodd ar fryn y tu ôl i dref Machynlleth, sylw'r wasg cyn belled i ffwrdd â Ffrainc. Disgwylir rhywbeth tebyg eleni eto.
Yn y 'Pink Snowball Awards' eleni bydd ymwelwyr annisgwyl yn ymddangos sef 15 o bobl yn eu harddegau o ardal Llwyngwril/Tywyn sydd wedi gwneud casgliad o 15 o ffilmiau byrion gyda'r artist fideo Emma Macey. Mae FFILM 15 wedi bod yn bartneriaeth greadigol rhwng Cyfeillion Oriel Llwyngwril, Roedd Cronfa Risg Cymdeithasol ac Emma i ddatblygu rhaglen o weithgareddau i ysgogi pobl ifanc i ymgymryd â gwneud ffilmiau a thechnoleg fel ffordd i gyfleu eu profiadau a'u syniadau. Bydd y 15 ffilm yn cael eu cynhyrchu i DVD argraffiad cyfyngedig fydd yn cael ei ddangos drwy gydol wythnos yr gwyl.
PROSIECT ANIMEIDDIO
Mae'r artist fideo, Emma Macey, wedi ymuno â Suzy Kemp a Jo Munton o Vagabondi Puppets hefyd, mewn prosiect i ddysgu disgyblion o Ysgol Gynradd Machynlleth sut i greu cyfres o straeon pypedau wedi'u hanimeiddio. Maent wedi'u creu trwy ddefnyddio pypedau wedi'u gwneud â llaw ac animeiddio 'stop frame', mae gan y straeon deimlad o gynhyrchiad byw gydag elfen o gysuron corfforol. Ariannwyd y prosiect gan Ymddiriedolaeth Paul Hamlyn, Cyngor Celfyddydau Cymru, Mach Fringe, y Co-op a Chyswllt Celf.
|
