Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Y Plas, Machynlleth, Powys, SY20 8ER, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

2/10/2005

Chwiliwn am wirfoddolwyr i stiwardio ar y noson - ffoniwch Natasha ar 01654 703535 neu 703965 29 Hydref 6.30 Gorymdaith Llusernau Samhain Heol Maengwyn 29 Hydref, 7.30 Tân Gwyllt £3 oedolyn £1 plentyn Y Plas Machynlleth 22-28 Hydref Gwneud Llusern! £2 / sesiwn 2h (leiafswm o 4h) 11-1; 2-4 Celtica Llun (Samhain 2002): Barbara Walker, Teleganolfan Machynlleth

Gyda chymorth y gymuned, mae'r noson lusernau YMLAEN

Er gwaethaf llawer o ansicrwydd yn ystod mis Medi, yr wythnos hon cyhoeddodd y trefnwyr bod dathliadau cymunedol y Samhain ym Machynlleth yn ddiogel, ac yn cael eu cynnal Ddydd Sadwrn, Hydref 29ain, 2005.

Mae'r prif ddigwyddiad, sy'n cynnwys gorymdaith lusernau trwy strydoedd Machynlleth, perfformiad tân wedi'i seilio ar fytholeg blwyddyn newydd yr hen Geltiaid, ac arddangosfa tân gwyllt drawiadol, wedi'i lwyfannu ers 4 blynedd bellach, ac wedi cynnwys ystod amrywiol o gelfyddydau, grwpiau cymunedol a grwpiau ieuenctid.

Yn y gorffennol mae'r grwp cymunedol Elemental Earth wedi derbyn grantiau, casglu gwirfoddolwyr a threfnu gweithdai gwneud llusernau gydag artistiaid lleol yn y gymuned ac yn yr ysgolion yn ystod yr wythnosau cyn y digwyddiad.

Ond gwasgarodd y grwp yn gynharach eleni gan adael y digwyddiad heb arweinwyr.

Dechrau mis Medi sylweddolodd staff Celtica a grwp adfywio cymunedol ecodyfi bod y digwyddiad dan fygythiad a lansiwyd apêl lwyddiannus am arian a gwirfoddolwyr.

Mae busnesau unigol megis Kelvin Jenkins, Gemydd, a Tincan wedi ymuno â grwpiau fel Mach Fringe a Phwyllgor Carnifal Machynlleth trwy addo'u cefnogaeth, ac mae Celtica wedi cynnig ariannu'r arddangosfa dân gwyllt.

Mae unigolion eraill wedi cysylltu ag ecodyfi (01654 703965) i gynnig eu hunain fel arlunwyr a stiwardiaid gwirfoddol.

Ar ben hyn, mae arian gan Gyngor Sir Powys ac Awdurdod Datblygu Cymru wedi galluogi'r trefnyddion i gynllunio wythnos gyfan o weithdai gwneud llusernau ac i gyflogi cydlynydd profiadol - Natasha Duggan, yn flaenorol o Elemental Earth - i sicrhau bod y dathliadau'n rhedeg yn esmwyth.

Dywed Natasha "Er bod y digwyddiad ar raddfa lai na mewn blynyddoedd a fu, rydym yn hynod o falch o fedru cadarnhau bod dathliadau'r Samhain yn digwydd eto eleni ym Machynlleth.

Hoffem ddiolch i bawb a gynigiodd gymorth a chefnogaeth yn ogystal ag annog unrhyw un arall gydag amser neu arian i'w sbario i gysylltu â ni." Gellir cysylltu â Natasha trwy ecodyfi ar 01654 703965.

Am fwy o wybodaeth

Andy Rowland, Rheolwr ecodyfi 01654 703965

Nodiadau i Olygyddion

• ecodyfi yw grwp adfywio dyffryn Dyfi.

• Mae'n rhoi sylw arbennig i gryfhau'r economi lleol a hynny trwy warchod yr adnoddau naturiol a diwylliannol yn ofalus.

• Mae'n cael ei reoli gan Fwrdd o 17 o bobl leol, ac yn derbyn cefnogaeth Awdurdod Datblygu Cymru.

• Samhain yw'r dathliad canol-gaeaf Celtaidd sy'n edrych ymlaen at ddyddiau goleuach.

• Mae'n gyfnod o newid ac ansicrwydd.

• Mae'r Samhain neu'r 'cynhaeaf olaf' fel y gelwid ef weithiau yn nodi dechrau'r gaeaf a dechrau blwyddyn newydd.

• Mae'n gyfnod llawn dirgelwch hefyd pan fo'r 'llen' rhwng y byd materol a'r byd ysbrydol ar ei theneuaf.

• Ar y diwrnod hwn, yn ôl hen gred Geltaidd, dylem fyfyrio ar y pethau negyddol yn ein bywydau ac addunedu i'w gwella.

• Mae hefyd yn amser i'r teulu, i ddathlu bywydau ceraint a chynnig llwncdestun i'r atgofion am y rhai a'n gadawodd.