Lansio profion clytiau go iawn ecodyfi
|
Lansio profion clytiau go iawn ecodyfi
|
| |
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion | |||||||||||||||||||||||||||||||||||||||||
Ymaelodwch ag ecodyfi drwy!Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Mae pump o deuluoedd wedi'u dewis gan ecodyfi i roi prawf ar amrywiaeth o glytiau go iawn yn ystod y deuddeng mis nesaf.Mae clytiau go iawn yn olchadwy, yn glyd ac yn ffasiynol o'u cymharu â chlytiau tafladwy, a byddant yn arbed arian i'r teulu ac yn lleihau ein sbwriel. Mae Grace Bailey a Claudine Goganian, gwirfoddolyddion gydag ecodyfi, yn gweithio law yn llaw â'r teuluoedd, gan roi cyngor a sicrhau bod popeth yn mynd yn iawn. O'u rhan nhw, bydd y teuluoedd sy'n cymryd rhan yn llenwi holiaduron ac yn cyflwyno sylwadau i ecodyfi ar effeithiolrwydd y clytiau o'u cymharu â rhai tafladwy. Gofynnwyd hefyd iddynt gymharu'r gwahanol fathau o glytiau go iawn. Bydd y wybodaeth yma o werth mawr i ecodyfi a chyrff eraill sy'n cynghori ar glytiau go iawn. Prynwyd y clytiau gan gwmni newydd Cymreig sydd â'i gartref yn Nebo, Gwynedd. Mae 'BabyKind' yng ngofal Helen a Mark Burr, dau sy'n frwd iawn ynglyn â chlytiau go iawn ac yn gweld y twf posib sydd i'r maes yn y farchnad Gymreig. "Gallwn gynnig y mathau gorau, a ninnau wedi cael profiad o'u defnyddio nhw i gyd gyda'r plant", meddai Helen. Roedd y teuluoedd sy'n cymryd rhan yn fodlon iawn ar eu clytiau newydd a theimlent yn falch o fod yn rhan o gynllun fyddai'n lleihau ein sbwriel. Yn ôl Sarah Keen a Rory Calder, sydd â baban newydd-anedig, "Rydym am ddefnyddio clytiau go iawn gan ei bod yn chwith meddwl am glwt fydd am ein baban am ychydig oriau yn unig yn llygru ein claddfeydd am yn agos i 500 mlynedd". Rhoddwyd nawdd i'r cynllun gan Amgylchedd Cymru gyda chefnogaeth gan y Cynulliad Cenedlaethol. Maent eisoes yn cefnogi ymgyrch glytiau go iawn genedlaethol drwy gyfrwng Cymru Gynhaliol. Mae ecodyfi yn gweithio ar y cyd ag ymgyrchoedd clytiau go iawn Powys a Cheredigion. Os am wybod mwy am glytiau go iawn, ffoniwch Tom O'Kane yn ecodyfi ar 01654 703965. Bydd modd iddo drefnu i un o'u gwirfoddolyddion profiadol ddod i annerch grwpiau, neu roi cyngor i unigolion ar unrhyw fater cysylltiedig â chlytiau go iawn. Cewch fwy o wybodaeth am ymgyrch ecodyfi yn erbyn gwastraff yn www.ecodyfi.org.uk/waste/ Rhagor o wybodaeth:Tom O'Kane, Swyddog Lleihau Gwastraff ecodyfi 01654 703965 Andy Rowland, Trefnydd ecodyfi 01654 703965. | ||||||||||||||||||||||||||||||||||||||||
22/7/2004