Plas Machynlleth: Cynnig y Bobl
|
|
Plas Machynlleth: Cynnig y Bobl |
|
|
|
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Mae dyfodol un o adeiladau mwyaf nodedig Cymru yn edrych yn fwy addawol wrth i'r gymuned leol lansio cynnig ysbrydoledig i'w ddatblygu yn y dyfodol.
Cyng. Michael Williams (i'r chwith) yn derbyn copi o gynnig Grwp Llywio Y Plas gan Phil Wheeler a Siwan Hywel.
Darllenwch y cynnig [Mae'r ddogfennau Word i gyd o dan 70kB] Mae Plas Machynlleth, cyn gartref atyniad "Celtica", wedi bod yn wag ers cau Celtica ddiwedd Mawrth, gyda dim ond ychydig iawn o ddefnydd yn cael ei wneud o'r lle. Ar ôl ymchwilio'n fanwl i ddyheadau'r trigolion lleol mae 'Pwyllgor Llywio'r Plas' wedi llunio cynnig a fydd yn cael ei gyflwyno i Gyngor Sir Powys i'w ystyried. Dywedodd Andy Rowland ar ran y Pwyllgor Llywio: "Mae'r cynnig yn tynnu at ei gilydd bopeth a ystyrir yn bwysig gan drigolion Bro Ddyfi yn ôl yr arolwg. "Does dim dwywaith nad yw dyfodol yr adeilad hwn yn ganolbwynt i fywyd ym Machynlleth: ac yn gydnaws â'r rhodd wreiddiol i bobl Machynlleth gan y 7fed Arglwydd Londonderry. "Bydd ein cynnig ni'n sicrhau dyfodol ariannol yr adeilad yn ogystal â dod â'r adeilad yn ôl i galon y gymuned." Mae gweledigaeth y Pwyllgor Llywio ar gyfer dyfodol Plas Machynlleth yn cynnwys cymysgedd cyffrous o ofod celfyddydol, lle i fusnesau, cyfleusterau addysgiadol, adnoddau treftadaeth ac atyniadau galw-i-mewn i ymwelwyr â'r ardal. Ar y llawr gwaelod, bydd y lle'n cael ei ail-gynllunio fel man croesawgar i gynnal cynadleddau, cyfarfodydd grwpiau lleol a chelfyddydau perfformio. Yn ogystal â hyn mae lle wedi'i gynllunio i ddenu ymweliadau gan ysgolion, a bydd yno sinema 80 sedd i ddangos ffilmiau Cymraeg a Saesneg. Bydd yno ystafell baned hefyd gyda lle chwarae ar ffurf parc pêl, cyfleusterau yn benodol ar gyfer rhieni a phlant ifainc: defnyddir yr ystafell baned fel bwyty min nos yn rheolaidd, gyda rhaglen dreigl o adloniant byw. Nod y grwp yw adfer Orendy hanesyddol yr adeilad, fel rhan o'r rhaglen adfer gyffredinol. Ar loriau 1 a 2, bydd "Canolfan Plas Gwaith" yn cynnig lleoedd arbennig ar gyfer swyddfeydd am brisiau isel i fusnesau bychain - cyfrir prinder lle'n gyfrifol am ddiffyg datblygiad economaidd y dref. "Bydd Plas Machynlleth yn cyflawni dwy swyddogaeth arbennig yn y dyfodol pe byddai ein cynigion yn cael eu derbyn. Bydd yn adnodd ysbrydoledig a phwysig i'r gymuned leol A bydd yn denu ymwelwyr i bob math o atyniadau, o'r bwyty a'r sinema i'r arddangosfeydd treftadaeth, cyfleusterau cynadledda a rhaglenni addysgiadol," meddai Andy wrthym. Apwyntiwyd y Pwyllgor Llywio gan gyfarfod cyhoeddus ym mis Ionawr, ac mae'n adrodd yn ôl i Fforwm Cymunedol Lleol Machynlleth a'r Cylch. Dewiswyd yr aelodau i adlewyrchu'r syniadau amrywiol a awgrymwyd yn y ddau gyfarfod cyhoeddus, ac maent yn cynnwys pobl fusnes lleol, penseiri, cynghorwyr, cynllunwyr ac addysgwyr. Mae wedi derbyn cyngor cyfrifwyr, ac ymgynghorwyr busnes yn ystod cyfnod datblygu'r cynnig. Cadeirir y Grwp gan Meinir Wyn Jones. "Rydym yn gobeithio derbyn y golau gwyrdd gan Gyngor Sir Powys er mwyn gwireddu breuddwydion pobl Bro Ddyfi", meddai. Mae'r pwyllgor yn brysur yn trefnu digwyddiad yn Y Plas ar gyfer prynhawn a min nos Mehefin 25ain. Bydd yn cyfuno adloniant gan rai tebyg i Gwilym Morris a "Black Russian", gyda chyfleoedd i drafod y cynigion a theimlo'r posibiliadau. Mae'r aelodau'n awyddus i adrodd yn ôl i'r gymuned ac i geisio cefnogaeth. "Bydd hwn yn gyfle i wyntyllu'r cynigion yn llawnach ac i ddathlu'r lle a'i botensial ar gyfer y dyfodol", meddai'r trefnydd Jenny Hall. Dyfyniadau"Mae'n drist gweld yr adeilad hardd yma wedi cau, ac mae'r perygl o ddirywiad a fandaliaeth yn amlwg. Rwy'n gefnogol iawn i gynnig y gymuned". - Camilla Norberg – person lleol "Cyflwynwyd Y Plas yn rhodd i'r bobl, ac mae'r cynnig hwn yn amlinellu dyheadau'r bobl am y defnydd a wneir ohono yn y dyfodol. Dylai'r cyngor gymryd y mater hwn o ddifri. Os yw'r symiau'n iawn, nid oes unrhyw gyfiawnhad moesol dros ei ddefnyddio i rywbeth arall ar wahân i ddefnydd cymunedol." - Geoff Hill – gwr busnes lleol Gwybodaeth bellach:Andy Rowland, Cadeirydd Fforwm Cymunedol Machynlleth a'r Cylch 01654 703965 |
||||||||||||||||||||||||||||||||||
16/05/2006