Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

14/11/2005

Oherwydd y pwysau cyhoeddus cynyddol a'r ansicrwydd am Celtica a dyfodol adeilad y Plas, bydd Fforwm Cymunedol Machynlleth a'r Cylch yn cynnal fforwm cyhoeddus yn Ysgol Bro Ddyfi, Ddydd Mawrth Rhagfyr 6ed i archwilio'r posibiliadau ar gyfer y dyfodol.

Penderfynodd y perchnogion (Cyngor Sir Powys) gau Celtica yn gynnar yn y Gwanwyn - oni fydd corff arall yn cyflwyno cynigion realistig erbyn y Nadolig i ddatblygu'r atyniad.

Mae'r Cyngor yn awyddus i weld yr adeilad yn cael ei ddefnyddio er lles y gymuned ac yn gwahodd rhai i fynegi diddordeb mewn defnyddio'r adeilad i ddibenion eraill pe byddai cau Celtica'n cael ei gadarnhau.

Bwriedir i'r cyfarfod hwn fod yn gam cyntaf yn y broses o ymgynghoriad cyhoeddus a thrafodaeth a allai, ymhen amser, arwain at gyflwyno cynigion concrid i Gyngor Sir Powys.

Bydd yn dechrau am 7.45 pm, ac yn dilyn cyflwyniad gan Andy Rowland o'r Fforwm Cymunedol Lleol, fe gadeirir y cyfarfod gan Meinir Wyn Jones, cyn-Brifathrawes Ysgol Dinas Mawddwy.

Cynhelir y cyfarfod yn Gymraeg a Saesneg, a darperir cyfleusterau cyfieithu ar y pryd.

Cynhelir adolygiad byr o'r sefyllfa bresennol cyn symud ymlaen i ystyried y dyfodol.

Bydd nifer fechan o siaradwyr gwadd yn cyflwyno'u syniadau am weithgareddau y gellid eu lleoli yn yr adeilad.

Clustnodir amser i gyflwyno cwestiynau i'r siaradwyr cyn cyhoeddi'r cyfarfod yn agored i unrhyw un sy'n bresennol gyfrannu i'r drafodaeth.

Dymuna'r trefnyddion bwysleisio mai unig bwrpas y cyfarfod cyntaf hwn yw agor y broses o drafod y dyfodol, ac na ddylid myfyrio ar y gorffennol.

Croesawir pob syniad sy'n cyfrannu at ddechrau newydd, ac estynnir gwahoddiad i bob un sy'n dymuno cymryd rhan mewn datblygu cynlluniau.

Maent hefyd am nodi fod y Plas yn adeilad mawr, a'u bod yn bosibl ei ddefnyddio at wahanol ddibenion.

Mae modd i bob math o ddatblygiadau cyffrous, yn cynnwys rhai o'r gweithgareddau presennol, ddigwydd o dan yr un to.

Gall unrhyw sydd â syniadau ond yn methu bod yn bresennol gysylltu ag Andy Rowland ar 01654 703965 neu Meic Llewellyn ar meic@vow.org.uk.

Gwybodaeth bellach:

Andy Rowland, Cadeirydd Fforwm Cymunedol Machynlleth a'r Cylch 01654 703965

Meic Llewellyn, Celfyddydau Gwirfoddol Cymru 01650 511778.

Nodiadau i Olygyddion

Mae Fforwm Cymunedol Lleol Machynlleth a'r Cylch yn gweithio ar y cyd gyda Phartneriaeth Cymunedau'n Gyntaf Bro Ddyfi i ddatblygu Cynllun Gweithredu Bro Ddyfi.

Mae'n crynhoi'r hyn sy'n bwysig yng ngolwg y gymuned ar gyfer y dyfodol, ac yn cysylltu pobl leol gyda'r rhai sy'n gyfrifol am ddarparu adnoddau a gwasanaethau.

Sefydlwyd y Fforwm fel rhan o broses Strategaeth Cymunedol Powys ac fe'i gweinyddir gan grwp adfywio ecodyfi.

Y Cadeirydd yw Andy Rowland.

ecodyfi yw grwp adfywio cymunedol Dyffryn Dyfi.

Mae'n rhoi sylw arbennig i gryfhau'r economi lleol trwy warchod yr adnoddau naturiol a diwylliannol yn ofalus.

Mae'n cael ei reoli gan Fwrdd o 17 o bobl leol, ac yn derbyn cefnogaeth Awdurdod Datblygu Cymru