Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Mentro Allan
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

Cipolwg ar rai o gynlluniau ecodyfi ar gyfer 2004/2005

Gwnaed cais am nawdd gan Awdurdod Datblygu Cymru i rai o'r gweithgareddau isod. Cafwyd cymorth i eraill gan Amgylchedd Cymru, drwy gyfrwng arian gan y Cynulliad Cenedlaethol. Derbyniwyd cefnogaeth i nifer ohonynt gan Gynghorau Powys a Gwynedd.

BLAENORIAETH 1

Canolfan Gwybodaeth ac Adnoddau

Nod ac amcanion: Darparu cyngor a chymorth i unigolion a grwpiau sy'n ceisio datblygu cynlluniau er lles y gymuned, yn enwedig pan fo'r rheini'n esgor ar adfywio cymunedol ac ymarferion mwy cynaliadwy. Ein dymuniad yw:

• Gwella a staffio (gyda gwirfoddolwyr) ystafell ffrynt 'galw heibio' Ty Bro Ddyfi, gan gynnwys y ffenestr arddangos a'r byrddau hysbysiadau

• Trefnu i'r ystafell gyfarfod a chyfleusterau eraill fod ar gael at ddefnydd gweithgareddau addas, yn cynnwys cynnal sesiynau ymgynghori arbrofol ar gyfer Llygad Busnes.

Gwersyll Ceinws 2004

Nod ac amcanion: Adfywio Ceinws drwy ddefnyddio Gwersyll Coedwigaeth Ceinws mewn modd mwy cynhyrchiol, a chreu cyfleoedd gwaith a chyfleusterau cymunedol yn y safle. Rydym wrthi'n holi beth hoffai pobl ei weld yn digwydd yma a'r modd y gallent gynorthwyo. Ein dymuniad yw:

• Datblygu'r syniadau am ddefnydd i'r safle yn gynllun busnes wedi'i gyllido a gyda chefnogaeth y gymuned

• Cyflwyno trefniadau perchnogaeth a rheolaeth.

Lleoedd gwaith i fân fusnesau yn Nhalybont 2004 - 05

Nod ac amcanion: Adfywhau bywyd economaidd Talybont drwy alluogi i fentrwyr weithio yno. Darganfu astudiaeth dichonoldeb bod galw am leoedd yng Ngogledd Ceredigion ar gyfer gwaith swyddfa ac yn fwy cyffredinol. Mae'r syniad o reoli a bod yn berchen ar gyfleuster o'r fath yn ennyn diddordeb yn Nhalybont. Ein dymuniad yw:

• Paratoi cynlluniau ac amcangyfrifon cost manwl ar gyfer nifer o weithleoedd

• Creu cefnogaeth o fewn y gymuned er mwyn galluogi i'r cyfleuster gael ei reoli'n lleol.

Annog garddwriaeth

Nod ac amcanion: Meithrin sector garddwriaeth fasnachol yn lleol. Ein dymuniad yw:

• Ysbrydoli hyder realistig ymysg rhai amaethwyr yn eu gallu i arallgyfeirio i'r sector garddwriaeth

• Sefydlu grwp o ffermwyr i gydweithredu a rhannu gwybodaeth, peiriannau a ffyrdd i'r farchnad

• Helpu i greu ychydig o leiniau prawf, a chynnal prawf marchnata ar gyfer tymor yr haf 2004.

Biosffer Dyfi Biosphere

Nod ac amcanion: Dod â Dyffryn Dyfi fwy i'r amlwg drwy bwysleisio ein cred ein bod yn gosod esiampl ar gyfer datblygu cynaliadwy. Yma yn Nyffryn Dyfi y mae unig aelod Cymreig rhwydwaith rhyngwladol o ardaloedd arbennig. Ein dymuniad yw cydweithio â Chyngor Cefn Gwlad Cymru er mwyn:

• Trefnu cynhadledd i ymchwilio buddion posib cadarnhau'r dynodiad UNESCO (i gynnwys ardal fwy nag a gwmpasir yn awr)

• Dysgu am enghreifftiau mewn parthau eraill o Ewrop

• Rhoi ysgogiad o'r newydd i'r syniad, gan sicrhau cyfranogaeth budd-ddeiliaid allweddol o fewn y sector cyhoeddus a'r gymuned leol.

Ardal Twf Twristiaeth 2004 - 05

Nod ac amcanion:

• Cynyddu buddsoddi ar dwristiaeth yn yr ardal er mwyn gwella'r cynnyrch

• Cynyddu nifer yr ymwelwyr a chynnig profiadau o ansawdd gwell iddynt

• Ymestyn tymor yr ymwelwyr

• Cyd-drefnu agwedd at ddatblygu twristaidd sy'n gynaliadwy ac yn blaenori barn y gymuned.

Masnachu Twristiaeth Gweithgareddau 2004

Nod ac amcanion: Sicrhau cynydd mewn twristiaeth gweithgareddau sydd mewn cytgord â'r amgylchedd. Ein dymuniad yw:

• Ennyn mwy o gydweithio rhwng darparwyr gweithgareddau.

• Ennyn mwy o gydweithio rhwng darparwyr gweithgareddau a darparwyr llety

• Trefnu masnachu ar y cyd drwy gyfrwng llyfrynnau a'r rhyngrwyd ar gyfer hydref/ gaeaf 2004.

Llwybrau Beicio Mynydd Dyfi Rhan I: Llwybrau Epig

Nod ac amcanion: Cynorthwyo Mach Off-Road Cyf. i wneud a hyrwyddo llwybrau newydd yng Nghoedwig Dyfi.

Lleihau gwastraff

Nod ac amcanion: Cydweithio'n bennaf â deiliaid tai a grwpiau cymunedol i hwyluso gweithredu unigol ac ar y cyd i leihau gwastraff yn Nyffryn Dyfi (yn enwedig defnyddiau ac ynni), ac yn y modd yma creu ymwybyddiaeth o agweddau ar gynaladwyedd. Ymhlith y gweithgareddau y mae:

• Ailgylchu a chompostio mewn ysgolion

• Hyrwyddo defnyddio clytiau golchadwy

• Archwiliad Gwastraff Dyffryn Dyfi

• Mwy o ddatblygu ar gompostio cartref ledled Dyffryn Dyfi

• taflen lle a sut i leihau gwastraff, ailddefnyddio ac ailgylchu.

Cronfa Ynni Cymunedol

Nod ac amcanion: Gwario arian yn deillio o dyrbinau gwynt 'MS4' a 'chymunedol / Cilgwyn' ar gynlluniau i greu ymwybyddiaeth o'r angen i gyfyngu ar y carbon a ryddheir ac i arbed ynni drwy ddulliau ymarferol.

Cynllun Min y Ffordd a Chompostio Machynlleth

Nod ac amcanion: Troi gwastraff y gegin Machynlleth, problem i'w waredu mewn claddfa hyd yma, yn adnodd gwerthfawr, a chreu swyddi ar yr un pryd. Ein dymuniad yw:

• Creu cyfundrefn fyddai'n casglu o gartrefi ac yn compostio mewn man canolog

• Defnyddio'r compost ar gyfer tyfu masnachol.

BLAENORIAETH 2

Blaenbrawf Arian Lleol

Nod ac amcanion: Annog y sector gwirfoddol a defnyddwyr i brynu nwyddau lleol. Gan weithio gyda Daear Elfennol, ein dymuniad yw:

• Cynnal ac asesu blaenbrawf dau gylchdro ar arian lleol yn Nyffryn Dyfi.

Cynllun gwres ardal o danwydd coed Dinas Mawddwy.

Nod ac amcanion: Gwresogi rhan o ardal Mawddwy drwy brosesu coed mewn modd carbon niwtral. Drwy weithio ar y cyd ag Adfywio Mawddwy, ein dymuniad yw:

• Cynnal astudiaeth dichonoldeb fanwl ar un neu fwy o'r posibiliadau ar gyfer system wresogi ardal.

Llwybr Dyffryn Dyfi rhan 1

Nod ac amcanion: Hyrwyddo Llwybr Dyffryn Dyfi o safbwynt llwybr cerdded sy'n cysylltu nifer o gymunedau a mannau diddorol ar hyd y dyffryn. Ein dymuniad yw:

• Adolygu, cadarnhau a chyfeirbwyntio'r llwybr - gyda'r nod o osgoi defnyddio llwybrau goddefol a gweithio i sicrhau statws swyddogol

• Helpu arlunydd i gerdded y llwybr a chynhyrchu arddangosfa o brintiau leino o olygfeydd a nodweddion er mwyn creu ymwybyddiaeth o'r llwybr.

BLAENORIAETH 3

Hyrwyddiad adwerthu ym Machynlleth 2004 / 2005

Nod ac amcanion: Hyrwyddo'r cyfle adwerthu unigryw a geir ym Machynlleth. Gan weithio ar y cyd â Daear Elfennol, ein dymuniad yw:

• Cynnal gweithdai gwneud torchau ac anrhegion Nadolig, mewn ysgolion ac yn y gymuned yn fwy cyffredinol

• Trefnu gorymdaith stryd gan ddefnyddio'r torchau, a chynnau goleuadau Nadolig, i dynnu sylw

• Trefnu profiadau penodol eraill ar adegau gwahanol o'r flwyddyn, e.e. gwyliau penwythnos gydag elfennau diwylliannol

• Ymchwilio posibiliadau 'gefeillio' a chyd-drefnu teithiau bws â thref arall yn y Canolbarth

• Ysgogi�mwy o sylw�yn y�papurau rhanbarthol.

Cynllun gwres ardal o danwydd coed Corris

Nod ac amcanion: Gwresogi rhan o ardal Corris drwy brosesu tanwydd coed o ffynonellau lleol mewn modd carbon niwtral. Mewn cydweithrediad â grwp newydd o'r enw Egni Corris Energy, ein dymuniad yw:

• Cynnal astudiaeth dichonoldeb gychwynnol ac ennyn mwy o ddiddordeb lleol yn y syniad o greu system wresogi ardal.

Gardd Gymunedol

Nod ac amcanion: Gwaith a bwyd i wella iechyd. Ein dymuniad yw:

• Darparu darn o dir i bobl gael tyfu llysiau a blodau, gan geisio denu'r rhai fyddai'n cael y budd mwyaf ohono

• Cynnig cefnogaeth a hyfforddiant i'r defnyddwyr.