Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Mentro Allan
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

6/11/2005

Daeth tyrfa dda ynghyd i Ysgol Talybont nos Fercher Tachwedd 2 i weld arddangosfa ac i ddysgu mwy am gynllun cyffrous Ysbryd y Mwynwyr.

Meleri Richards o Gyngor Sir Ceredigion a esboniodd mai cronfa o arian Amcan 1 ynghyd ag arian o'r Cyngor Cefn Gwlad yw hwn, a'i fod ar gael i hybu twristiaeth a datblygu economaidd ar sail treftadaeth cyfoethog yr hen fwynfeydd a fu mor bwysig yng gogledd Ceredigion.

Trwy sgwrs a sleidiau hynod ddifyr gan Simon Hughes, Felin Leri, peirianydd mwynfeydd profiadol, sydd yn gwybod mwy na neb am hanes mwynfeydd yr ardal, cawsom agoriad llygaid i gyfoeth yr hanes.

Bu'r gweithiau cyntaf ar Allt y Crib yn yr Oes Efydd, ac yna bu'r Rhufeiniaid, y mae eu holion i'w canfod yn y gaer wrth droed Erglodd ac yn Sarn Helen sy'n rhedeg trwy Cwm Slaid, yn weithgar yn 'Aur'glodd a Nantllain.

Mae'r gwaith archaeolegol ar dir Ynys Capel, hefyd yn dechrau dangos bod yr ardal hon yn bwysig iawn fel ardal trin mwyn.

Yn ddiweddarach, bu mwynwyr yma yn oes Elizabeth 1 ac wedyn yn ystod y 19 ganrif pan oedd gwaith trin mwyn ar y tir lle saif y Wern heddiw ac hefyd ar dir Melin Leri.

Daeth aur, arian, copor, plwm a sinc allan o'r creigiau o'n hamgylch dros y canrifoedd.

Esboniodd Paul Sambrook, sy'n archaeolegydd proffesiynol, pa mor werthfawr yw olrhain hanes y cymunedau yr oedd eu bywoliaeth yn dibynnu ar y gweithiau mwyn.

Yn ystod y sgyrsiau a gafwyd mewn grwpiau llai ar ddiwedd y cyfarfod, daeth sawl atgof i glawr.

Atgofion a gaiff eu defnyddio ar fyrddau dehongli a fydd yn cael eu paratoi fel rhan o'r cynllun hwn.

Dan arweiniad y Cynghorydd Ellen ap Gwynn ac Ecodyfi, bydd y tri Cyngor Cymuned: Ceulanamaesmawr, Llangynfelyn ac Ysgubor y Coed yn cynnig am arian o'r gronfa i baratoi byrddau dehongli a thaflen yn olrhain yr hanes gan dynnu sylw at y llwybrau cyhoeddus yn yr ardal sydd yno oherwydd y gweithiau mwyn.

Gobeithir denu twristiaid i ddod ac aros yn yr ardal i grwydro hen lwybrau'r mwynwyr lle bydd paneli llai fan hyn a fan draw i esbonio mwy am yr hanes.

Mae hwn yn gynllun pwysig, nid yn unig i ddenu trwistiaeth, ond i ninnau hefyd sylweddoli ein bod yn byw mewn ardal ol-ddiwydiannol, ardal sydd a hanes cyn bwysiced os nad yn bwysicach na hanes maes glo a haearn cymoedd y de.

Cynhelir cyfarfod tebyg yn Llanfach rhwng 6-9 nos Fawrth Tachwedd 22 i bobl cymuned Llangynfelyn glywed eu hanes hwythau a threfnir cyfarfod arall yn ardal Ysgybor y Coed cyn hir.

Am fwy o wybodaeth

Andy Rowland, Rheolwr ecodyfi 01654 703965