Cefnogi swyddi lleol yn Nyffryn Dyfi
|
|
Cefnogi swyddi lleol yn Nyffryn Dyfi |
|
|
|
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Mae cymunedau cefn gwlad Cymru wedi ymgyfarwyddo â gweld swyddi'n diflannu dan bwysau oddi wrth yr economi byd-eang.Mae pobl yn Nyffryn Dyfi nawr yn ailedrych ar yr hanfodion er mwyn ceisio newid y patrwm. Mae Cymunedau yn Gyntaf wedi trefnu noson i fwrw golwg ar y grym sydd yn nwylo pob un ohonom i greu a chefnogi swyddi lleol. Bydd yn cael ei chynnal yng Nghanolfan Owain Glyndwr, Machynlleth nos Iau Mawrth 30ain am 7. Bydd y sesiwn, a drefnwyd gan ecodyfi - y grwp adfywio cymunedol, yn cyflwyno nifer o dechnegau hwyliog a ddatblygwyd gan y Sefydliad Economeg Newydd. Yn rhy aml o lawer, "pobl broffesiynol" neu "arbenigwyr" fydd yn dyfeisio strategaethau economaidd. Anaml y maent yn byw yn yr ardal leol ac mae eu diddordeb yn fynych ynglyn â dehongli problemau yn hytrach na chanfod atebion. Mae'r Sefydliad yn cynnig ffordd newydd o edrych ar ddatblygu economaidd lleol sy'n rhoi'r awenau yn ôl yn nwylo pobl leol. Bydd yr hyfforddydd, Liz Bickerton, yn helpu'r rhai fydd yno i roi cynnig ar bethau megis y "fwced sy'n gollwng". Ystyriwch mai bwced yw ein heconomi. Bydd arian yn llifo i mewn iddi ac mae bwced lawn yn golygu bod digon o arian gan bobl leol i sicrhau ansawdd bywyd da. Fodd bynnag, bwced sy'n gollwng ydi hi - bydd arian yn llifo allan ohoni. Yn ogystal â denu mwy o arian (ar ffurf buddsoddiadau, cyllid o dwristiaeth ayb.), gallwn "lenwi'r tyllau" ynddi drwy brynu'n lleol, sicrhau gwerth ychwanegol i adnoddau lleol ac ati. Er bod croeso i bobl edrych ar yr achlysur fel dim ond un digwyddiad "unigryw" diddorol, gobaith y trefnwyr yw y bydd rhai o'r bobl fydd yno am weithredu'r hyn a ddysgwyd drwy ganfod cyfleoedd ar gyfer mentrau lleol. Dywedodd Andy Rowland, Trefnydd ecodyfi, bod Cymunedau yn Gyntaf ac ecodyfi fel ei gilydd yn awyddus i weld gweithredu'n deillio o'r siarad: "Drwy weithredu ar y cyd gallwn newid y modd y mae arian yn llifo drwy'r economi lleol", meddai, "gan helpu busnesau lleol i ehangu a rhai newydd i ymsefydlu". Rhagor o wybodaeth:
|
||||||||||||||||||||||||||||||||||
20/03/2006