Nid loteri yw iechyd da
|
Nid loteri yw iechyd da
|
| |
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion | |||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
24/04/2006 Mae gweithwyr proffesiynol iechyd lleol a grwpiau cymunedol ym Mro Ddyfi'n holi pobl am y modd y byddent yn hoffi defnyddio'r amgylchedd naturiol lleol i gael tipyn o hwyl ac ymarfer corff.Maent hefyd yn awyddus i wybod beth fyddai'n gwneud hyn yn haws. Estynnwyd gwahoddiad i'r ardal i gyflwyno cynigiad i Gronfa'r Loteri Fawr, gan obeithio y bydd y loteri'n talu am raglen pedair-blynedd o ddigwyddiadau a gweithgareddau. Gall y rhain gynnwys helfeydd trysor ar droed neu ar feic, cyfeiriadu i'r teulu, gweithgareddau amrywiol mewn coedwigoedd a garddio. Bydd rhai gweithgareddau'n rhai egnïol, ond bydd eraill wedi'u trefnu ar gyfer pobl nad ydynt yn ymarfer rhyw lawer erbyn hyn. Enw'r rhaglen yw Mentro Allan, neu ‘Venture Out'. Y nod yw cynyddu lefelau'r defnydd o amgylchedd naturiol Cymru ar gyfer gweithgareddau hamdden. Dewiswyd Bro Ddyfi fel un o 15 ardal am ei bod yn ardal wledig iawn lle mae rhai pobl o dan anfantais, gydag ychydig iawn o ddewisiadau teithio er enghraifft. Arweinir y bartneriaeth leol gan grwp adfywiad cymunedol ecodyfi sy'n cynnwys Gweithredu Cymunedol Machynlleth a'r Cylch a Chymunedau'n Gyntaf. Mae Ymwelwyr Iechyd, Mudiad Ysgolion Meithrin, US Mach a Chwarae Maldwyn ynghlwm wrth y prosiect hefyd, fel y mae Gwasanaeth Iechyd Cyhoeddus Cenedlaethol, Cyngor Sir Powys a Chymdeithas Sefydliadau Gwirfoddol Powys (PAVO). Mae Cyngor Chwaraeon Cymru'n arwain y bartneriaeth genedlaethol sy'n cefnogi'r datblygiad, ac mae Fforwm Cymunedol Lleol Machynlleth a'r Cylch wedi bod yn trefnu'r cyfarfodydd hyd yn hyn. Maent i gyd yn argyhoeddedig fod gwneud pethau yn yr awyr agored yn ffordd wych o wella ein hiechyd meddyliol yn ogystal â'n hiechyd corfforol, a bod rhwystro iechyd gwael yn well o lawer (ac yn fwy o hwyl) na'i wella. Maent yn cyfeirio at fenter Cerdded o Gwmpas Bro Ddyfi, sydd wedi dod â phobl at ei gilydd i gerdded yn gyson, ond heb fod yn rhy egnïol, a chreu cyfeillgarwch ar yr un pryd. Mae adrannau arbennig o'r boblogaeth yn wynebu rhwystrau penodol i gymryd rhan sy'n llawer mwy na'r hyn sy'n wynebu'r rhan fwyaf o bobl. Penderfynodd partneriaeth Bro Ddyfi dalu mwy o sylw i rieni plant bychain, ieuenctid 11-18 oed a phobl gyda phroblemau meddyliol. Fodd bynnag, maent yn awyddus i nodi y byddai'r mwyafrif ohonom yn manteisio o fwy o ymarfer a bod croeso i bawb ymuno yn y gweithgareddau. Mae'r partneriaid wedi llunio holiadur syml fel y gall pobl ddweud beth yr hoffent ei wneud. Mae copïau ar gael o Lyfrgell Machynlleth, Swyddfa Cymunedau'n Gyntaf, Canolfan Hamdden Bro Ddyfi ac ar yma . "Rydym angen gwybod beth fyddai'n gwneud gwahaniaeth i bobl," meddai Andy Rowland, Cadeirydd y Fforwm Lleol. "Mae'r pethau sy'n rhwystro unigolion rhag mynd allan allan yn amrywio o ofalu am blant i gludiant, ond gallant gynnwys y mater o hyder neu unigedd hefyd. Rydym angen cael tystiolaeth o hyn rwan - yna gallwn gynllunio ffyrdd i oresgyn y rhwystrau hyn a chael yr arian i'w gweithredu.". Byddem yn croesawu eich syniadau a'ch sylwadau unrhyw bryd, ond byddent o gymorth arbennig yn ystod y pythefnos nesaf. Gellir gofyn am gopïau ar 01654 703965 hefyd. Yn ogystal â hyn, byddai'r bartneriaeth yn falch o glywed oddi wrth unrhyw un fyddai'n hoffi trefnu ac arwain gweithgareddau addas o Wanwyn 2007 ymlaen. Rhagor o wybodaethAndy Rowland, Trefnydd ecodyfi 01654 703965. | ||||||||||||||||||||||||||||||||||||||||
