|
Ymaelodwch
ag ecodyfi drwy! Rydym
am i bawb yn y fro ymuno, ac nid yw ond yn costio punt! Galwch draw i
Ty Bro Ddyfi neu anfon ychydig stampiau.
Mae'r ganolfan wybodaeth ar agor ddydd Llun tan ddydd Gwener, 10 y bore
tan 3. Efallai y byddwch hyd yn oed am ein helpu i'w staffio neu drefnu
prosiect. Da chi dewch draw i'n gweld ni!
[Ein
lleoliad - map mwy]
|
 Ionawr
19, 2004
Mae Cyngor Sir Powys wedi cyhoeddi y cyflwynir gwasanaeth wythnosol
rhad ac am ddim i gasglu defnyddiau ailgylchu gan oddeutu 2,500 o gartrefi
Machynlleth a rhai o'r ardaloedd cyfagos, i ddechrau ar Chwefror 2, 2004.
Bydd cartrefi ym Machynlleth, Carno, Glantwymyn, Cemaes, Comins Coch,
Llanbrynmair, Penegoes, Bont Dolgadfan a Phenfforddlas yn derbyn y bagiau
ailgylchu arbennig, ac fe ddylid eu rhoi allan i'w casglu ar y diwrnod
a bennwyd ar gyfer casglu sbwriel.
Wedi eu casglu, caiff y papur, cardbord, tecstiliau, caniau, poteli plastig
a ffilmiau eu cludo i "ganolfan adennill defnyddiau" yn Nhrewern ger y
Trallwng i'w didoli'n fwy trylwyr a'u hanfon ymlaen i'w hailbrosesu.
Yn ôl y Cynghorydd Sir Barry Thomas, sydd â chyfrifoldeb
am reoli gwastraff "Mae perfformiad Powys gyda'r gorau yng Nghymru a mwy
na chwarter y gwastraff a waredwyd gan y Cyngor ers mis Ebrill wedi'i
ailgylchu neu ei gompostio.
"Drwy ddod ag ailgylchu uniongyrchol i gartrefi cefn gwlad, ein gobaith
yw gwella ar hyn. Dyma'r cam cyntaf o ddau i gynyddu ailgylchu yn yr ardal.
"A bydd Canolfan Ailgylchu newydd ym Machynlleth yn agor yn nes ymlaen
eleni."
Bydd Tom O'Kane, Swyddog Lleihau Gwastraff ecodyfi, yn ymweld â
phob un o ysgolion y cylch i esbonio sut y bydd y cynllun yn gweithio.
"Darparu casgliadau o ddrws i ddrws yw'r ffordd orau o sicrhau bod pobl
yn ailgylchu, felly rwyf wrth fy modd bod y gwasanaeth i'w gyflwyno ym
Machynlleth," meddai.
"Mae ailgylchu'n cael derbyniad brwd gan blant. Gobeithio y byddant yn
trosglwyddo'r brwdfrydedd yma i'w rhieni ac yn eu hannog i ailgylchu mwy
yn y cartref."
Bydd Colin McGregor, Swyddog Addysg Ailgylchu Cyngor Sir Powys, hefyd
yn mynychu dau ddigwyddiad wythnos nesaf, i ddosbarthu rhagor o wybodaeth
am y cynllun newydd.
Ef fydd siaradwr gwadd cyfarfod Panel Tenantiaid Machynlleth sydd i'w
gynnal Bnawn Mawrth Ionawr 27ain am 3 o'r gloch yn Neuadd Ambiwlans Sant
Ioan. Mae croeso yno i unrhyw un o denantiaid y Cyngor a thrigolion ystadau
Cyngor.
Bydd Colin hefyd yn ymweld â Sioe Deithiol Ailddefnyddio Dodrefn
Phoenix, lle y bydd nifer o gyrff cymdeithasol ac amgylcheddol yn bresennol,
ac a drefnwyd ar gyfer pobl sy'n derbyn budd-daliadau ac sydd ag incwm
cymdeithasol.
Fe'i cynhelir 11 y bore tan 2 ar Ddydd Mercher Ionawr 28ain yn y Canolfan
Cymdeithasol yn Heol Maengwyn.
Manylion pellach gan ecodyfi yn Heol Maengwyn, Machynlleth neu drwy ffonio'r
Swyddog Ailgylchu ar 0845 607 6060.
Os am ragor o wybodaeth cysylltwch â: John Evans, Rheolwr Cysylltiadau,
ffôn 01597 826377.
|
