Ewch ati i dyfu llysiau llwyddiannus eto eleni!!

Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

28/04/2005

Yr hyfforddwr, Ian Mitchell, a rhai o'r garddwyr dan hyfforddiant yn talu gwrogaeth i Ardd Berlysiau Lesley yng Ngerddi Ynyslas, haf 2005.

Os oes gennych ddiddordeb mewn mynd ati i dyfu llysiau organig eich hunan y flwyddyn hon, yna mynnwch weld yr hyn mae ecodyfi'n ei wneud.

Trefnodd ecodyfi hyfforddiant mewn garddio organig llwyddiannus iawn o dan yr enw 'ewch ati i dyfu' yn 2005, a bu o fudd i ddeg ar hugain o drigolion lleol. Roedd y mwyafrif o'r garddwyr dan hyfforddiant yn cymryd rhan mewn rhaglen ymarferol wythnosol yng Ngerddi Ynyslas. Roedd eraill, na fedrai fforddio'r amser yn dilyn y cwrs trwy gyfrwng y we neu'r post, ac yn cyflawni'r gorchwylion wythnosol yn eu gerddi'u hunain.

Enillodd yr hyfforddiant trwy gyfrwng y we Wobr o �2000 gan Fentrau yn y Gymuned AOL (AOL Innovations in the Community). Mae ecodyfi'n gobeithio defnyddio hyn i annog ysgolion lleol i dyfu trwy ymuno â rhaglen y wefan.

Roedd y rhai dan hyfforddiant yn tyfu gwahanol gnydau ar leiniau o dir a rannwyd gan ddau berson, yn amrywio o datws i fresych, o india corn i domatos, gan gynaeafu'r rhan fwyaf a'u cludo adref o wythnos i wythnos.

Cafwyd llawer o fudd o'r hyfforddiant gan gynnwys agweddau iechyd garddio corfforol a gwella diet.

Defnyddiwyd gweithgareddau tyfu gartref yn sylfaen i ddealltwriaeth o fyw cynaliadwy, gwneud ffrindiau newydd, rhoi hwb i hunan-barch a chael hwyl yn y baw.

Dywedodd Jean Moore, a fynychodd y cwrs, ac ennill tystysgrif am gwblhau prosiect terfynol, "Rwyf wedi cael budd mawr o'r cwrs garddio. Gwnes ffrindiau newydd a mwynhau'r amser a dreuliais yng Ngerddi Ynyslas, ond yn fwy na dim, fe ddysgais lawer iawn."

Ariannir cwrs 2006 eto, diolch i 'Anghydraddoldeb mewn Iechyd Bro Ddyfi' ac Ymddiriedolaeth Naturesave, a chaiff ei gefnogi gan 'Garden Organic' (Cymdeithas Ymchwil Henry Doubleday). Os oes gennych ddiddordeb mewn bod yn rhan o'r gweithgaredd yn 2006, yna cysylltwch â Tom O'Kane ar 01970 832993 neu 01654 703965. Pe hoffech weld lluniau a chynnwys cwrs 2005 edrychwch ar www.ecodyfi.org.uk gan glicio ar Tyfu yn y rhestr prosiectau.

Bydd y cwrs yn rhedeg o ddiwedd mis Mawrth tan ddechrau mis Medi, dros bedwar diwrnod ar ddeg o hyfforddiant. Treulir dau o'r rhain yn ymweld â gerddi eraill. Cynigir lleoedd i drigolion Powys sy'n derbyn budd-daliadau i ddechrau, ond llwyddodd edodyfi i gynnig lle i bob ymgeisydd llynedd, a'r gobaith yw gwneud hynny eto eleni.

Gwybodaeth bellach:

Am fwy o wybodaeth ynglyn â datganiadau i'r wasg cysyllter â Tom O'Kane 01654 703965 neu 01970 832993.

Am fwy o wybodaeth am ecodyfi cysyllter ag Andy Rowland 01654 703965 neu edrych clichwch yma.

Imogen Pettitt, Dyfi Valley Seed Savers 01654 703965 neu 702340