Llysiau a ffrwythau organig yn
hybu iechyd yn Nyffryn Dyfi
|
|
Llysiau a ffrwythau organig yn
|
|
|
|
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Gall tyfu llysiau a ffrwythau organig yn Nyffryn Dyfi fod yn allwedd i fywyd iach yn ogystal â achub yr amgylchedd.Mae hyrwyddwyr iechyd Bro Ddyfi o fewn ardaloedd cymunedau cyntaf Bro Ddyfi yn annog pobl i ymarfer corff wrth dyfu ffrwythau a llysiau, yn ogystal â bwyta bwydydd ffres. Maent yn cydweithio â ecodyfi, grwp adfywiad lleol, sydd yn awyddus i gadw arian o fewn yr economi lleol a lleihau'r llygredd sydd yn ymwneud â chludo bwyd o amgylch y byd. Mae ecodyfi yn rhoi'r cyfle i drigolion Dyffryn Dyfi i dyfu llysiau a ffrwythau organig. � yn enwedig os nad ydynt yn tyfu unrhyw fwyd ar hyn o bryd, neu ddim yn gwybod sut i wneud. Mae'r cynllun 'Ewch ati i dyfu' ('Get Growing') yn cael ei ariannu gan Uned Hyrwyddo Iechyd Powys, Amgylchedd Cymru gyda chefnogaeth y Cynulliad Cymru yn ogystal â chynllun 'Bwyd Organig i bawb' - The Henry Doubleday Research Association. Disgwylir i'r cynllun gychwyn ym mis Mawrth. Mae nifer o opsiynau ar gyfer unigolion sydd am dyfu ffrwythau a llysiau eu hunain. Un opsiwn yw ymuno â chwrs hyfforddiant garddio organig o dan ofal ecodyfi a fydd yn cael ei gynnal o fis Mawrth i Fis Awst. Bydd y cwrs ymarferol hwn yn cael ei gynnal mewn gardd organig weithredol. Bydd pawb yn cael plot o dir ac yna'n cael ei baratoi, ei heu, ei chwynnu a'i gynaeafu. Mae'r cwrs yn agored i bawb o unrhyw oedran a gallu, mae'n addas ar gyfer rhai sydd am gychwyn ym myd garddio yn ogystal â rhai sydd wedi garddio eisoes. Bydd amser a dyddiadau yn cael eu trefnu o amgylch y rhai a fydd yn mynychu'r cyrsiau. Bydd yr hyfforddedigion yn cael eu harholi ar ddiwedd y cwrs ac yna'n ennill tystysgrif Dyffryn Dyfi mewn garddio organig. I'r rhai sydd â'u hamser yn brin, mae yna opsiwn o ymuno â chwrs ar y we neu bost a fydd ar gael yn ystod yr un amser. Dywedodd tom O'Kane, ecodyfi "Mae ecodyfi yn awyddus i hyrwyddo garddio fel ffordd o fyw'n iach yn ogystal â lleihau'r milltiroedd a gaiff eu gwneud wrth gludo llysiau a ffrwythau sydd wedi eu mewnforio.." Mae'n bwysig i'r rhai sydd â diddordeb i wneud cais am le mor fuan â phosib gan fod llefydd yn brin. Am fwy o wybodaeth cysylltwch â Tom O'Kane ar 01654 703965 neu e-bost bev.dimmuck@ecodyfi.org.uk eu clichwch yma. |
||||||||||||||||||||||||||||||||||
11/1/2005