|
Ymaelodwch
ag ecodyfi drwy! Rydym
am i bawb yn y fro ymuno, ac nid yw ond yn costio punt! Galwch draw i
Ty Bro Ddyfi neu anfon ychydig stampiau.
Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
[Ein lleoliad - map mwy]
|
 6.11.07
Roedd Gŵyl y Golau 2007 a gynhaliwyd ym Machynlleth yn ddiweddar mor boblogaidd a llwyddiannus ag erioed.
Y flwyddyn hon roedd yn dathlu'r bobl a'r llefydd oddi mewn i Biosffer Dyfi.
Dechreuodd yr wythnos ar Hydref 27ain gyda'r ŵyl ffilmiau fwyaf adloniadol a hynod yng Nghymru, y gwobrau ‘Pink Snowball' a drefnwyd gan Mach Fringe. Roedd yn gorffen gyda'r orymdaith lusernau, sydd bob amser mor boblogaidd, ar Dachwedd 3ydd.
Eleni dilynwyd yr orymdaith gydag arddangosfa dân a thwmpath dawns.
Rhwng y ddau ddigwyddiad roedd pob math o ddigwyddiadau naturiol, diwylliannol, treftadaeth, hanes a chelfyddydau lleol ac, wrth gwrs, y gweithdai gwneud llusernau.
Digwyddodd yr Arddangosfa Dân ar y cae pâl-droed ym Machynlleth, a chafodd ei chreu gan yr artist rhyngwladol-enwog, Jony Easterby a'r pyrograffwyr, Dark Spark.
Nid arddangosfa dân gwyllt gyffredin oedd hon, - ond crëwyd golygfa gelfyddydol arbennig gan ddefnyddio tân gwyllt, rhaffau tân, sain a cherflunwaith. Roedd yn boblogaidd iawn gyda'r cannoedd oedd yn y dorf.
Hoffai'r trefnwyr ddiolch i'r gwirfoddolwyr fu'n gweithio mor galed i sicrhau llwyddiant yr wythnos.
Dywedodd Delyth Richards, Swyddog Cyfathrebu âyl'r Gymuned y Biosffer, "Heb y gwirfoddolwyr a fu mor hael gyda'u hamser, fyddai hi ddim yn bosib llwyfannu Gŵyl y Golau. Felly, diolch yn fawr iawn i bawb fu'n helpu yn ystod yr wythnos a'r misoedd diwethaf."
Hoffai'r trefnwyr ddiolch hefyd i Gyngor Sir Powys, Partneriaeth Twristiaeth Canolbarth Cymru, Cymunedau'n Gyntaf, Bwrdd yr Iaith Gymraeg, Maer Tref Machynlleth a chyn ymddiriedolwyr ‘Elemental Earth' am eu cefnogaeth.
Rhaid talu teyrnged arbennig i'r rhai canlynol am eu cyfraniadau hael i'r digwyddiad: Will Lloyd Williams, IG Owen, Kelvin Jenkins Gemydd, Gwesty'r Llew Gwyn, Clwb Rygbi a Chlwb Pêl-droed Machynlleth, Y Wynnstay, Hennighan's Topshop a'r Skinners Arms.
Dywed ecodyfi ei bod yn bosibl na fyddant yn medru cydlynu'r digwyddiad y flwyddyn nesaf a byddent yn hoffi helpu i greu pwyllgor annibynnol i wneud y gwaith.
Os oes gennych ddiddordeb mewn bod yn rhan o'r gweithgaredd, neu os oes gennych luniau da o'r ŵyl eleni, neu os hoffech rannu syniadau neu awgrymiadau, galwch Delyth ar 01654 703965.
|
