Coed yn mynd
i wresogi Dinas Mawddwy?
Cyfarfod Cyhoeddus Mawrth 9fed
|
|
Coed yn mynd
i wresogi Dinas Mawddwy?
|
|
|
|
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Gosodwyd her newydd i ffermwyr a chontractwyr coedwigaeth cylch Dinas Mawddwy � allan nhw wresogi'r pentref? Mae ecodyfi ac Adfywio Mawddwy wrthi'n gweithio ar gynllun fydd yn gwresogi'r ysgol, y gwesty a chartrefi gyda dwr poeth ddaw o fwyler canolog yn llosgi sglodion coed. Byddai modd contractio un cyflenwr i wneud y cyfan, ond deuai mwy o fudd i'r economi lleol pe bai'r pentref ei hun yn rheoli'r cyflenwad tanwydd. Ar ddydd Mercher Mawrth 9fed bydd cyfarfod cyhoeddus yn cael ei gynnal yn Neuadd Dinas Mawddwy i drafod y cynllun. Roedd cyfarfodydd cyhoeddus blaenorol o blaid y syniad o ran egwyddor a chomisiynodd ecodyfi ragor o waith gan Asiantaeth Ynni Canolbarth Cymru gydag arian a dderbyniwyd gan Awdurdod Datblygu Cymru. Cyn y gall yr Asiantaeth ofyn am gynlluniau ac amcangyfrifon costau gan ddarpar gyflenwyr offer, mae angen iddynt holi faint o reolaeth fyddai ar y gymuned ei heisiau ar y cynllun petai'n digwydd. Dyma fydd prif destun trafod y noson. Un posibiliad fyddai i Adfywio Mawddwy neu grwp lleol arall drefnu'r cyflenwad tanwydd, darlleniad y mesuryddion a'r bilio gan dderbyn y cyfan o'r incwm a ddeuai o'r defnyddwyr gwres. Gofynnai am beth ymdrech gan wirfoddwyr i reoli'r gwaith, ond byddai swydd yn cael ei chreu i berson lleol. Byddai elw hefyd yn deillio y gellid ei wario ar gynlluniau cymunedol eraill. Mae hyn yn unol ag amcanion Adfywio Mawddwy, ac felly bydd y cyfarfod hefyd yn ystyried a ddylai ymffurfio'n gorff corfforedig â'i statws cyfreithiol ei hun. Cred y grwp bod y manteision posib i iechyd a'r amgylchedd yn bwysig � byddai'n achosi llai o lygredd awyr nag olew neu lo, ac y byddai'r pentref, o ddefnyddio tanwydd 'carbon niwtral' ac adnewyddadwy yn lle olew, glo a nwy, yn cyfrannu at ddatrys problem newid hinsawdd. Ymatebodd aelodau'n frwd i systemau sglodion coed a welwyd yn Llanwddyn a Preston yn ystod taith maes ecodyfi ym mis Ionawr. Yn y cyfamser, bu gwirfoddolwyr Adfywio Mawddwy yn holi o dy i dy am y systemau gwresogi presennol. Bydd cost y system yn dibynnu'n rhannol ar nifer y tai sydd eisoes â rheiddiaduron (radiators). Pwysleisiodd yr Ysgrifennydd Arfon Hughes eu bod yn awyddus i ddefnyddio adnoddau lleol i ateb anghenion lleol yn ogystal â chefnogi swyddi coedwigaeth, byd ffermio a chynnal a chadw. "Mae prynu ynni wedi'i gynhyrchu'n lleol yn golygu bod yr arian yma yn yr economi lleol yn hirach", meddai. Mae'r cyfarfod yn agored i bawb ac yn cychwyn am 7.30 y.h. Rhagor o wybodaeth:Andy Rowland, Trefnydd ecodyfi, 01654 703965 Arfon Hughes, Ysgrifennydd Adfywio Mawddwy, 07979 803547 |
||||||||||||||||||||||||||||||||||
25/2/2005