Strategaeth Gymunedol yn cynnig cymorth
|
|
Strategaeth Gymunedol yn cynnig cymorth
|
|
|
|
Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
| 
7/3/2007 Mae trigolion Bro Ddyfi yn cael cynnig y cyfle i "fynd i weld" - i ymweld â chymuned arall lle mae pobl yn dod at ei gilydd i wella pethau. Cynigir £500 hefyd tuag at wneud rhywbeth cadarnhaol ynglyn â'r newid yn yr hinsawdd.Mae Fforwm Cymuned Lleol Machynlleth a'r Cylch yn cynnal digwyddiad cyhoeddus ar Fawrth 13eg i drafod sut i fanteisio ar y gefnogaeth a gynigir gan Gyngor Sir Powys Amcan y cynnig cyntaf yw dangos sut y mae cymuned wedi llwyddo i gyflawni rhywbeth sy'n gwella ansawdd bywyd y bobl leol. Bydd y rhai fydd yn bresennol ar y 13eg yn dewis mater sy'n bwysig i Fro Ddyfi. Mae'n debygol y bydd yn un o'r materion a ddynodwyd eisoes yn y Cynllun Gweithredu Lleol a luniwyd gan Gymunedau'n Gyntaf. Yna, bydd sefydliadau sy'n ymwneud â Strategaeth Gymunedol Powys yn rhoi cymorth i ddynodi prosiect llwyddiannus y byddai Bro Ddyfi'n dysgu ohono. Bydd Cyngor Sir Powys yn talu i rai pobl ymweld â'r prosiect - a byddant yn ffilmio'r ymweliad hefyd. Yna bydd y cynrychiolwyr mewn safle i helpu i lunio atebion tebyg i Fro Ddyfi. Gall y rhain gael eu datblygu o dan adain Y Fforwm Cymuned Lleol a Chymunedau'n Gyntaf. £500 yw'r ail gynnig. Mae'n rhaid ei wario ar leihau gwastraff ynni ym Mro Ddyfi. Bydd y cyfarfod yn penderfynu sut i'w wario e.e. ar ddarparu golau mwy effeithlon mewn adeilad cymunedol neu ar ddarparu cyngor a chefnogaeth i gartrefi. Bydd cyfleoedd i adeiladu ar brosiectau lleol sy'n bodoli ar hyn o bryd ac ar arbenigedd, er enghraifft y prosiect rhoi cyngor ar ynni a lansiwyd yn ddiweddar gan Ganolfan Gynghori Bro Ddyfi. Bydd yn bosib clymu gyda phrosiectau a reolir gan ecodyfi, megis y Gronfa Ynni Cymunedol. Mae'r Gronfa'n derbyn rhywfaint o incwm oddi wrth dyrbin gwynt ‘Bro Ddyfi Community Renewables' yng Nghilgwyn, Pantperthog, ac yn ei ddefnyddio ar fesurau arbed ynni megis bylbiau trydan ynni isel. Cynhelir y digwyddiad cyhoeddus yng Nghlwb Bowlio Machynlleth, Nos Fawrth, Mawrth 13eg am 7 o'r gloch. Estynnir croeso i bawb. Gwybodaeth bellach:
NodiadauMae Fforwm Cymuned Lleol Machynlleth yn gweithio ochr yn ochr â Phartneriaeth Cymunedau'n Gyntaf Bro Ddyfi i ddatblygu Cynllun Gweithredu Lleol Bro Ddyfi. Mae'r cynllun yn grynodeb o'r hyn sy'n bwysig ar gyfer y dyfodol yng ngolwg y gymuned ac yn cysylltu pobl leol gyda'r rhai sy'n gyfrifol am ddarparu adnoddau a gwasanaethau. Sefydlwyd y Fforwm fel rhan o broses Strategaeth Gymunedol Powys ac mae'n cael ei weinyddu gan grwp adfywio ecodyfi. Andy Rowland yw'r Cadeirydd etholedig. Cymunedau'n Gyntaf yw un o brif fentrau menter Llywodraeth Cynulliad Cymru gyda'r nod o ymrwymo pobl i'r gwaith o wella ansawdd eu bywydau eu hunain mewn rhannau dewisol o Gymru. Mae partneriaeth Bro Ddyfi'n cynnwys ardaloedd cynghorau cymunedol Machynlleth, Cadfarch, Llanbrynmair a Glantwymyn. ecodyfi yw'r grwp adfywio cymunedol dros Fro Ddyfi. Mae'n rhoi sylw arbennig i gryfhau'r economi lleol trwy stiwardio adnoddau naturiol a diwylliannol yn ofalus. Mae'n cael ei reoli gan Fwrdd o 17 o bobl leol, ac fe'i cefnogir yn bennaf gan Y Cynulliad Cymreig, Partneriaeth Twristiaeth Canolbarth Cymru ac awdurdodau lleol. |
||||||||||||||||||||||||||||||||||||||||
