Fforwm y Gymuned Leol am cludiant
|
|
Fforwm y Gymuned Leol am cludiant
|
|
|
|
Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|  Daw'r cyfle nesaf i drigolion y rhan honno o Ddyffryn Dyfi sydd ym Mhowys ddylanwadu ar y modd y darperir gwasanaethau ar Ragfyr 17eg. Bydd cludiant yn dod o dan y chwyddwydr yn Fforwm y Gymuned Leol am 7.30 y.h., yng Nghanolfan Gofal Machynlleth. Un o'r rhesymau y dynododd y Cynulliad Cenedlaethol y cylch yn ardal 'Cymunedau yn Gyntaf' yw bod gwasanaethau hanfodol megis gofal iechyd a hyfforddiant yn anodd i'w cyrraedd. Mae hyn yr un mor wir am siopio a gweithgareddau hamdden. Mewn rhai achosion hwyrach y gellir gwrthsefyll y duedd sydd i ganoli'r gwasanaethau hyn neu hyd yn oed eu darparu o fewn y gymuned. Yn fynych, fodd bynnag, drwy wella gwasanaethau cludiant y mae gwella'r sefyllfa. Nid oes car preifat gan bron i chwarter o gartrefi'r cylch. Gorfodir eraill i wario y tu hwnt i'w gallu i gynnal dau gar oherwydd nad yw'r dewisiadau teithio eraill yn ddigonol. Yn y cyfarfod bydd cyfle i chi amlinellu'r math o deithiau sy'n angenrheidiol i chi, a'r math o wasanaethau fuasai'n ateb eich anghenion. Byddwn yn rhoi ystyriaeth i gerdded a beicio yn ogystal â moduron a threnau. Mae'r gweithgareddau hyn yn bwysig i'n hiechyd ac hefyd yn dod ag arian i'r ardal. Mae cludiant yn bwnc sy'n effeithio ar ymwelwyr ac ardalwyr. Eisoes cyflawnwyd gryn dipyn. Darperir gwasanaethau i bobl ag anghenion neilltuol gan CAMAD a'r Groes Goch, a'u bwriad yw datblygu rhai o'r rhain. Mae teithio ledled Dyffryn Dyfi ar fws, trên a beic, neu gerdded, bellach dipyn haws, diolch i gyfeiriadur lliwgar sydd newydd ei gyhoeddi gan Ecodyfi, y grwp adfywio cymunedol. Amlinella'r Cyfeiriadur dwyieithog, sydd â map bws a thrên tebyg i un y Tiwb, sut i deithio rhwng prif fannau'r Dyffryn. Mae hefyd yn llawn dop o wybodaeth ddefnyddiol i'w gwneud yn haws i chi deithio heb gar. Mae'r Fforwm yn gyfrwng i ni ganfod yr hyn sydd o bwys i ni ac i'w roi gerbron asiantaethau megis y Cyngor Sir. Dewch draw i ymuno â ni! |
||||||||||||||||||||||||||||||||||||||||
