Dysgu gan Ddyffryn Dyfi
|
Dysgu gan Ddyffryn Dyfi
|
| |
Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion | |||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Bu grwp adfywio Dyffryn Dyfi yn destun llawer o sylw yn ddiweddar.Mae ecodyfi wedi bod yn dangos i grwpiau o Fwlgaria, Bangor a'r Fenni sut y mae'r ardal yn manteisio i'r eithaf ar ei hasedau naturiol. Daethpwyd â'r Bwlgariaid i Fachynlleth gan eu lletywyr yng nghanolfan cyngor Draper's Field, Betws y Coed. Mae Sefydliad TIME yn gweithio ledled Bwlgaria i sicrhau datblygu cynaliadwy a'i obaith yw medru sefydlu canolfan ddehongli er mwyn ysbrydoli pobl i ddefnyddio technolegau amgylcheddol. Bu'r cynrychiolwyr yn y Ganolfan Dechnoleg Amgen am gyfnod, a gydag ecodyfi hefyd. Gwnaeth y Ganolfan gryn argraff arnynt, ac yr oedd y cynllun i godi canolfan i ymwelwyr yn Aberdyfi hefyd o ddiddordeb iddynt. Daeth Prifysgol Bangor â'u myfyrwyr datblygu cymunedol ôl-raddedig i'r ardal i weld y modd y mae grwpiau'n cydweithio o fewn Dyffryn Dyfi. Buasent yn astudio'r rheidrwydd sydd ar i weithgareddau megis twristiaeth a defnydd tir gael eu hintegreiddio â'i gilydd os yw ardal i ffynnu yn y tymor hir ac yr oeddynt yn falch o gael gweld hyn yn cael ei weithredu. Mae'r rhan fwyaf o'r myfyrwyr hyn yma'n gweithio gydag awdurdodau lleol, grwpiau gwirfoddol a phartneriaethau Cymunedau'n Gyntaf yng Ngogledd Cymru ac yr oedd yn gyfle da i bobl gyfnewid gwybodaeth. Y datblygiadau ynni a gyflwynwyd yn y gymuned yn ystod y pum mlynedd diweddaf oedd diddordeb pennaf Cyfeillion y Ddaear y Fenni. Buont yn cerdded llinell y bibell sy'n trosglwyddo dwr o Nant y Dugoed i dyrbin Tegwyn Jones ym Maesglas, oddi uchaf i Fallwyd, gan sylwi fod y grug wedi ailgydio'n dda iawn. Yn ôl y trefnydd, Trevor Houghton, ysbrydolwyd yr aelodau i ymchwilio posibilrwydd defnyddio dwr cyn gronfa yn eu hardal i gynhyrchu trydan glân. Dangosodd Andy Rowland, Trefnydd ecodyfi, naw o osodiadau solar ym Machynlleth i'r ymwelwyr. Mae rhai ohonynt yn gwresogi dwr, a rhai'n cynhyrchu trydan. Ymwelodd y grwp â Paul Whittaker yn ei dy yn Ynys-las er mwyn cael gweld y defnydd a wneir ganddo o'r haul a gwynt i gynhyrchu trydan i'w gartref. Teitl y llun: Tegwyn Jones yn dangos ei gynllun trydan dwr i aelodau Cyfeillion y Ddaear y Fenni. Rhagor o wybodaethAndy Rowland, Trefnydd ecodyfi 01654 703965. | ||||||||||||||||||||||||||||||||||||||||
22/7/2004