Enillydd Gwobr Band Llydan!

Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Y Plas, Machynlleth, Powys, SY20 8ER, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

30.03.04

Rhyngrwyd cyflym ar y trothwy

Galwodd yr ymgyrch i sicrhau cyswllt rhyngrwyd Band Llydan i Fachynlleth am un ymdrech olaf wrth gyhoeddi enw enillydd eu cystadleuaeth logo.

Bydd BT yn 'galluogi' cyfnewidfa Machynlleth o gael 70 o bobl eraill i gofrestru eu diddordeb mewn cysylltiadau rhyngrwyd cyflym.

Mae cyswllt Band Llydan yn gyfrwng cyflym i anfon a derbyn gwybodaeth drwy'r Rhyngrwyd.

Mae'n galluogi i ddefnyddwyr unigol dderbyn rhaglenni cyfrifiaduron, cerddoriaeth a theledu fwy na heb o bedwar ban byd i'w sgrîn ar yr aelwyd.

Yn achos defnyddwyr busnes, gall roi hwb i gynhyrchiant a lleihau costau, er budd i'r economi lleol a swyddi yn y cylch.

Yr Enillydd!

Cyflwynodd Cynllun Band Llydan Machynlleth Playstation 2 i Eluned Glyn, merch 13 oed o Dderwenlas, cyn un o gyfarfodydd Cyngor Tref Machynlleth.

Dywedodd Andy Rowland ecodyfi ei bod yn ffodus iddynt gael nawdd gan yr Awdurdod Datblygu i'w galluogi i brynu'r wobr am bris gostyngol gan Top Shop Videos.

Penderfynwyd mai logo Eluned oedd y gorau - gan guro ymdrechion plant ysgol eraill, oedolion ac hyd yn oed un cystadleuydd o Awstralia! Dywedodd Eluned ei bod wrth ei bodd.

Mae hi'n defnyddio'r rhyngrwyd yn y Llyfrgell, lle y mae eisoes mor gyflym â Band Llydan.

Cabolwyd ei chynllun buddugol gan David Thorpe Cyberium a'i lansio wedyn yn logo swyddogol i'r ymgyrch.

Wrth gyflwyno'r wobr, dywedodd y Maer, Tecwyn Jones, ei fod yn edrych ymlaen i'r adeg pan na fydd Machynlleth dan anfantais oherwydd cyrchiad araf i wasanaethau rhyngrwyd.

Anogodd bobl i lofnodi'r deisebau sydd yn Nhy Bro Ddyfi, siop Kelvin Jenkins a mannau eraill er mwyn cyrraedd y trothwy allweddol o 400 o bobl yn mynegi diddordeb yn fuan.

Pwysleisiodd Andy Rowland bod y dull cyfathrebu yma'n anhepgor i'r dyffryn cyfan.

Bydd cyfnewidfeydd Corris a Thalybont yn cael eu diweddaru yn nes ymlaen eleni gan i nifer ddigonol fynegi eu diddordeb yno eisoes.

Mae ymgyrchoedd yn Ninas Mawddwy, Abertwymyn ac Aberdyfi ond hwyrach y bydd rhaid defnyddio cyfryngau 'di-wifr' uwchdechnolegol mewn rhai ardaloedd.

Mae Ymgyrch Band Llydan Machynlleth yn gofyn i bawb hoffai gael cyswllt rhyngrwyd cyflym "wastad ymlaen" gofnodi eu diddordeb ar wefan BT www.bt.com/broadband ac ar wefan yr ymgyrch www.machbroadband.org.uk.

Rhagor o wybodaeth:

Andy Rowland, Trefnydd, ecodyfi. ffôn: 01654 703965
John Behnan, aelod o'r grwp gweithredu. ffôn: 07810 277525.