Sylw'r Cenhedloedd Unedig ar Ddyffryn Dyfi
|
|
Sylw'r Cenhedloedd Unedig ar Ddyffryn Dyfi |
|
|
|
Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Bydd arbenigwyr rhyngwladol ac ardalwyr yn edrych ar fanteision posib anrhydedd unigryw o eiddo'r Cenhedloedd Unedig mewn cynhadledd ym Machynlleth yn ystod mis Mehefin. "Ardal Biosffer Dyfi" yw unig aelod Cymreig rhwydwaith nodedig UNESCO. Dengys yr ardaloedd hyn y modd y gall cymunedau lleol gael budd o'u cynefinoedd mwyaf gwerthfawr ac adnoddau eraill. Yn hytrach na thrafod a yw cynnydd economaidd a chadwraeth yn tynnu'n groes i'w gilydd, mae pobl yn gweithredu'n gadarnhaol i ddangos y gellir creu swyddi yn sgîl gwarchod yr amgylchedd. Bydd y gynhadledd yn clywed gan ddwy o'r cyfryw gymunedau; dyffryn y Rhön yn yr Almaen ac Entlebuch yn y Swistir. Maent wedi defnyddio'r dynodiad i ddatblygu a hyrwyddo bwyd lleol, twristiaeth a chynnyrch eraill fel rhai glân, gwyrdd, o ansawdd da. Bydd y siaradwyr yng Ngheltica ar Ddydd Iau Mehefin 10fed yn cynnwys Dr Alister Scott o Brifysgol Cymru Aberystwyth, fydd yn trafod sut y mae sicrhau y gall cymunedau ddylanwadu ar reolaeth tir. Mae hyn yn cynnwys y tir sydd ym mherchnogaeth Cyngor Cefn Gwlad Cymru, sy'n ariannu'r digwyddiad, a'r Comisiwn Coedwigaeth. Mae unrhyw gytundebau ynglyn â rheoli tir a chynlluniau eraill yn unol â'r dynodiad yma yn rhai cwbl wirfoddol. Mae'r dynodiad yn cael ei adolygu ar hyn o bryd, gydag argymhelliad y dylid ymestyn yr ardal i gynnwys Dyffryn Dyfi yn ei gyfanrwydd gyda hyn. Mae ecodyfi, grwp adfywio cymunedol yr ardal, wedi trefnu'r gynhadledd er mwyn mesur maint y gefnogaeth ac y mae'n awyddus i weld y lle'n llawn ar gyfer y digwyddiad cyntaf yn y Tabernacl ar nos Fercher Mehefin 9fed. Mae'r cyfarfod hwn i ddechrau am 7.00 o'r gloch a bydd y modd y gallai Dyffryn Dyfi ddatblygu yn cael ei ystyried. "Mae llawer o waith da eisoes yn digwydd", meddai Aled Griffiths, cyd-Gadeirydd ecodyfi, "ond o lwyddo i ymestyn terfynau'r dynodiad Cenhedloedd Unedig hwn, gallwn ddod â'r cyfan ynghyd o dan un faner gref". Bydd Charles Arch o Gwrt ymhlith y siaradwyr lleol eraill y noson honno. Mae ychydig o leoedd gwag o hyd ar gyfer digwyddiad Dydd Iau a thaith maes Dydd Gwener, ond rhaid sicrhau lle o flaen llaw ar 01654 703965 ar gyfer y rhain. Mae digwyddiad Dydd Mercher yn agored i bawb. Ceir diweddariadau rheolaidd i fanylion y rhaglen ar www.ecodyfi.org.uk/biosphereproject Rhagor o wybodaeth:Andy Rowland, Trefnydd ecodyfi 01654 703965 |
||||||||||||||||||||||||||||||||||||||||
27/05/2004