Dyfarnu statws unigryw y Cenhedloedd Unedig i Fro Ddyfi

Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein Slleoliad - map mwy]

08/06/2009

Dyfarnu statws unigryw y Cenhedloedd Unedig i Fro Ddyfi

Mae Cyd-gadeirydd ecodyfi, Martin Ashby, wedi croesawu penderfyniad UNESCO i ail-gofrestru Dyffryn Dyfi fel aelod o rwydwaith mawreddog. Cyhoeddodd Jane Davidson, y Gweinidog dros yr Amgylchedd, heddiw bod Bro Ddyfi wedi cael ei chydnabod yn swyddogol fel unig Biosffer UNESCO Cymru.

Mae'r statws unigryw yn golygu bod yr ardal yn ymuno â mannau fel Uluru yn Awstralia a Mynydd Olympus yng Ngwlad Groeg. Mae 553 o ardaloedd Biosffer UNESCO yn y byd, ond Bro Ddyfi yw'r gyntaf yng Nghymru a dim ond yr ail yn y DU gyfan.

Ardal arbennig yw iawn yw Biosffer lle mae pobl yn gweithio i gydbwyso cadwraeth bioamrywiaeth â'i defnydd cynaliadwy. Cânt eu henwebu gan lywodraethau cenedlaethol.

Dywedodd Ms Davidson fod y dyfarniad yn brosiect blaenllaw i Gymru:
"Mae'r statws hwn yn anrhydedd mawr i'r ardal ac i Gymru gyfan. Mae Bro Ddyfi'n ymuno â grwp eithriadol o fannau arbennig ledled y byd i bobl a natur. Mae'n enghraifft werthfawr o sut gall cymunedau fyw mewn ffordd gynaliadwy.
"Rwy'n gobeithio y gall y statws arbennig hwn gynnig cyfleoedd newydd i'r amgylchedd a'r diwylliant lleol, a chynnig datblygiad economaidd gwirioneddol gynaliadwy."

Meddai Pete Frost o Gyngor Cefn Gwlad Cymru, sydd hefyd yn cynrychioli Cymru ar Bwyllgor Biosffer a UK Man UNESCO:
"Bydd bod yn rhan o Rwydwaith Cronfeydd Biosffer y Byd UNESCO yn codi proffil Bro Ddyfi ar y llwyfan byd-eang. Mae'r statws hwn yn gyfle euraidd i ddatblygu economi fyw sy'n seiliedig ar asedau naturiol rhagorol yr ardal, gan ddiogelu'r diwylliant lleol hefyd."

Cafodd Bro Ddyfi ei dynodi'n Biosffer am y tro cyntaf yn yr 1970au, ond bu'n rhaid i safleoedd wneud cais o dan feini prawf newydd yn yr 1990au. Mae'r penderfyniad heddiw'n golygu bod Bro Ddyfi gyfan, sy'n cynnwys Aberystwyth, Llanbrynmair, Llanymawddwy, Corris Uchaf ac Aberdyfi, yn rhan o Biosffer Dyfi newydd.

Ychwanegodd Allan Wynne Jones o Bartneriaeth Biosffer Dyfi:
"Dyma ddechrau taith i Fro Ddyfi. Mae manteision Biosfferau'n amrywio o un lle i'r llall, a thros amser. Dros y flwyddyn nesaf, bydd y bartneriaeth yn gweithio'n galed i helpu pobl leol i fanteisio ar y cyfle newydd hwn. Rydym yn gobeithio y bydd trigolion yn defnyddio'r statws newydd i gymryd rhan mewn prosiectau lleol i gynnal yr economi, yr amgylchedd a'r diwylliant lleol.
"Ein nod cyffredinol yw i Fro Ddyfi gael cydnabyddiaeth a pharch yn rhyngwladol ac yn lleol, am ei harddwch naturiol, ei threftadaeth a'i bywyd gwyllt, a hefyd am ymdrechion pobl i wneud cyfraniad cadarnhaol i fyd mwy cynaliadwy."

Dywedodd Martin Ashby bod ecodyfi wedi bod yn gweithio tuag at hyn ers cryn amser ac mae'n credu bod prosiectau a gweithgareddau ecodyfi yn cyd-fynd ag amcanion y Biosffer.
"Mae cymaint o'r economi leol yn gysylltiedig ag ansawdd yr amgylchedd o'n cwmpas," ychwanegodd.
"Mae'n holl bwysig bod perchnogion tir a'r gymuned fel ei gilydd yn chwarae rhan yn y Biosffer fel bod ein trefi, ein pentrefi a'n cefn gwlad yn datblygu mewn ffyrdd fydd yn fanteisiol i ansawdd ein bywyd a'n hapusrwydd."

Cewch fwy o wybodaeth am Fiosffer Dyfi ar www.biosfferdyfi.org.uk

Rhagor o wybodaeth:
Andy Rowland, Trefnydd ecodyfi 01654 703965
Llwyodraeth Cynulliad Cymru: Leon Griffiths 029 2089 8329 neu Sharon Rogers 029 2089 8665
Cyngor Cefn Gwlad Cymru: Meinir Wigley 01248 385500 neu 07720 428644

Nodiadau i Olygyddion:

Sefydliad Addysgol, Gwyddonol a Diwylliannol y Cenedloedd Unedig yw UNESCO.

Mae Biosffer yn ardal lle mae pobl yn gweithio i integreiddio cadwraeth bioamrywiaeth gyda'i ddefnydd cynaliadwy. Maent yn cael eu cydnabod oddi mewn i fframwaith Rhaglen UNESCO Dyn a'r Biosffer.

Mae Partneriaeth Biosffer Dyfi'n cynnwys cynrychiolwyr cymunedol, awdurdodau lleol a sefydliadau sector cyhoeddus. Ei swyddogaeth yw cyflwyno gwybodaeth ac ymgynghori â thrigolion lleol a busnesau ynglyn â'r manteision posibl o barhau gyda, ac ehangu statws Biosffer UNESCO'r ardal. Mae'n derbyn arian oddi wrth Gyngor Cefn Gwlad Cymru.

Yr aelodau yw:

Cyngor Sir Ceredigion Cyngor Sir Powys Cyngor Gwynedd Awdurdod Parc Cenedlaethol Eryri Bwrdd yr Iaith Gymraeg Cyngor Cefn Gwlad Cymru Llywodraeth Cynulliad Cymru Adran Economi a Chludiant Adran yr Amgylchedd, Cynaladwyedd a Thai Comisiwn Coedwigaeth Cymru Ecodyfi Undeb Cenedlaethol yr Amaethwyr Undeb Amaethwyr Cymru Asiantaeth yr Amgylchedd Cymru Partneriaeth Twristiaeth Canolbarth Cymru RSPB Cymru Allan Wynne Jones (cyfetholwyd i ganolbwyntio ar agweddau diwylliannol)

Mae ecodyfi'n darparu gwasanaethau gweinyddol a datblygu i'r Bartneriaeth.

Ecodyfi yw'r grwp adfywio cymunedol dros Fro Ddyfi. Mae'n rhoi sylw arbennig i gryfhau'r economi lleol trwy stiwardio adnoddau naturiol a diwylliannol yn ofalus. Mae'n cael ei reoli gan Fwrdd o 17 o bobl leol, ac fe'i cefnogir yn bennaf gan Y Cynulliad Cymreig, Partneriaeth Twristiaeth Canolbarth Cymru ac awdurdodau lleol.