Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Mentro Allan
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

10/6/2005

Hugh D Jones a Dafydd Evans yn astudio côn blaen y tyrbin. Mae rhai eraill ar gael o dderbyn cais gennych

Mae aelodau cydweithfa ynni adnewyddadwy Canolbarth Cymru yn dathlu wedi iddynt dderbyn eu tyrbin gwynt diweddaraf ac maent yn edrych ymlaen at gael lansio dyroddiad cyfranddaliadau'r prosiect arloesol.

Clywyd yn ystod Cyfarfod Blynyddol Bro Dyfi Community Renewables, a gynhaliwyd ym Mhantperthog ar ddydd Sadwrn Mehefin 11eg, bod y tyrbin Nordtank 500 cilowat wedi cyrraedd o'r Almaen.

Bydd yn cael ei gadw ar fferm Hendreseifion, Llanwrin hyd nes y daw gweddill y cyllid i law ac y bydd modd ei osod yn lle'r prototeip diangen ar Fynydd Glandulas.

Denodd y tyrbin gryn ddiddordeb yn ddiweddar yn ystod Rali i'r Clwb Ffermwyr Ifanc ar y fferm, lle y bu rhai o'r bobl sy'n rhan o'r cynllun yn bwrw golwg arno.

Roedd Edward Jones, un o gyfranddeiliaid y gydweithfa, yn frwd ynglyn â'r cynllun.

"Mae'n braf iawn gweld y dechnoleg yma'n cael ei rheoli gan bobl leol er budd lleol", meddai.

"Mae'r prosiect hwn yn fwy na'r tyrbin cyntaf yng Nghilgwyn, felly mae yma gyfle go iawn i alluogi i fwy o bobl leol rannu perchnogaeth arno".

Bydd angen i bobl sydd am gael gwybodaeth am y dyroddiad cyfranddaliadau ymaelodi â'r Clwb Buddsoddi Ynni Adnewyddadwy i ddechrau.

Cyfrwng yw'r clwb ar gyfer cysylltu buddsoddwyr posibl â datblygwyr addas yn rhad ac am ddim.

Dulas Cyf., wedi'i leoli ym Machynlleth, sy'n ei redeg.

Er bod modd i bobl eu ffonio ar 01654 705018 i ofyn am ffurflen aelodaeth, dywed Andy Warrington o'r cwmni bod ymaelodi ar-lein yn www.reic.co.uk yn llawer mwy hwylus.

Caiff pawb fydd yn ymaelodi yn y dyfodol agos wahoddiad i'r noson wybodaeth ynglyn â chynllun Bro Ddyfi sydd i'w chynnal ar Fehefin 23ain.

Mae ecodyfi eisoes wedi sicrhau �43,000 o gyllid Ewropeaidd i'r cynllun drwy Asiantaeth Ynni Canolbarth Cymru.

"Bydd y llog a gawn o'r buddsoddiad hwn yn cael ei ddefnyddio i gefnogi adfywio cymunedol", meddai Andy Rowland, y Trefnydd.

Disgwylir y bydd benthyciad banc ac unigolion â'u bryd ar wneud buddsoddiad egwyddorol tymor hir yn cyflenwi gweddill y cyfalaf sydd ei angen i godi'r tyrbin.

"Edrychwn ymlaen at gael croesawu cyfranddeiliaid lleol newydd", meddai John Williams, Cadeirydd y gydweithfa.

"Mae newid hinsawdd yn fygythiad i bob un ohonom, a'n bwriad hefyd yw gofalu mai ein cymuned ni fydd yn manteisio o ynni'r gwynt".

Rhagor o wybodaeth:

• Andy Rowland, Trefnydd 01654 703965

• Tim Brewer, Bro Ddyfi Community Renewables Ltd 01654 703374 neu 07817 731336

• Duncan Kerridge, Bro Ddyfi Community Renewables Ltd 01654 781460

• Andy Warrington, Clwb Buddsoddi Ynni Adnewyddadwy 01654 705018.

Nodiadau gan y Golygydd:

• Grwp adfywio cymunedol Bro Ddyfi yw ecodyfi.

• Mae ei sylw yn fwyaf arbennig ar gryfhau'r economi lleol drwy stiwardio adnoddau naturiol a diwylliannol mewn modd gofalus.

• Caiff ei reoli gan Fwrdd ag arno 17 o bobl leol ac mae'n derbyn cefnogaeth gan Awdurdod Datblygu Cymru.

• Bu'r tyrbin gwynt 75 cilowat yng Nghilgwyn ger Machynlleth yn cynhyrchu trydan glân ers mis Ebrill 2003.

• Mae yn eiddo i Bro Dyfi Community Renewables.

• Y 54 o gyfranddeiliaid yw'r aelodau, gyda 50 ohonynt yn byw ym Mro Ddyfi.

• Mae'r llog y byddant yn ei ennill ar eu buddsoddiad yn cadw'r elw o fewn yr economi lleol.