Dewch i'r Cyfarfod Blynyddol!

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Cymunedau yn Gyntaf
Trafnidiaeth
Twristiaeth
Ynni
Gwastraff
Tyfadwy
Coedwigaeth
Masnach Deg
Twristiaeth gweithgareddau
Biosffer Dyfi Biosphere
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

ecodyfi press release 3/6/2004

Bydd corff adfywio cymunedol Bro Ddyfi yn cynnal ei bumed Cyfarfod Cyffredinol Blynyddol ar ddydd Iau Mehefin 16eg.

Bydd aelodau ecodyfi yn cwrdd yng Nghlwb Bowlio Machynlleth am 7.00 y. h. i gael bwffe ysgafn gyda'r Cyfarfod Cyffredinol Blynyddol i ddilyn am 7.30 a Fforwm am 8.00.

Mae Aled Owen Griffiths, Cyd-Gadeirydd ecodyfi, wedi apelio am i fwy o bobl ymuno â'r grwp er mwyn iddo allu cyflawni rhagor eto.

Yn ei gyfraniad yn adolygiad blynyddol y grwp rhydd ei longyfarchion i Awdurdod Datblygu Cymru ac Amgylchedd Cymru ar eu cefnogaeth i ymdrechion y grwp i wella ansawdd ein bywydau dros y tymor hir.

Be' sydd ar yr agenda

Simon Thomas fydd y siaradwr gwadd. Disgwylir y bydd yn trafod yr argraff a geir o Ddyffryn Dyfi drwy lygaid San Steffan, os yw'r ardal yn haeddu'r bri a roddir iddi ym maes byw cynaliadwy a'r hyn allwn ni oll ei wneud i wella'r byd a'n cymunedau.
Bydd Ann MacGarry o'r Ganolfan Dechnoleg Amgen yn arwain sesiwn fydd yn bwrw golwg ar ein 'Hôl Troed Ecolegol'. Mae'r Cynulliad Cenedlaethol newydd gwblhau astudiaeth Cymru gyfan a gobaith ecodyfi yw gwneud gwaith yn lleol yn yr hydref yn ei sg�l. Dull yw o fesur faint o dir sy'n cael ei ddefnyddio gan unigolyn neu gymuned i gynnal ei ffordd o fyw. Datgela y byddai angen bron i dair planed i'n cynnal ni petai pawb yn y byd yn byw bywydau tebyg i Gymry cyffredin!
Bydd Teresa yn siarad am ei gwaith gyda beicio mynydd. Bu ecodyfi yn helpu Beicio Mynydd Dyfi i greu llwybrau cyffrous 'cli-machx' y tu ôl i Geinws. Mae'r cynnydd a welwyd yn nifer yr ymwelwyr eisoes yn cynnal swyddi ym meysydd darparu llety ac arlwyo yn ogystal â swyddi newydd cysylltiedig â beicio.

Mae croeso i drigolion a busnesau fynychu'r digwyddiad ond gofynnir iddynt ffonio 01654 703965 i sicrhau lle.

Ac os am gopi o adolygiad ecodyfi ar gyfer 2004, sydd newydd ddod o'r wasg, maent ar gael yn Nhg Bro Ddyfi, 52 Heol Maengwyn, Machynlleth.

Rhagor o wybodaeth: