Cyfarfod Cyffredinol Blynyddol dan ei Sang

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Prosiectau:
Cymunedau yn Gyntaf
Trafnidiaeth
Twristiaeth
Ynni
Gwastraff
Tyfadwy
Coedwigaeth
Masnach Deg
Twristiaeth gweithgareddau
Biosffer Dyfi Biosphere
Dysgu Gydol Oes
Manylion cysylltu
Ty Bro Ddyfi, 52 Heol Maengwyn, Machynlleth, Powys, SY20 8DT, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein lleoliad - map mwy]

ecodyfi press release 22/7/2004

Bu'r grwp adfywio cymunedol ecodyfi yn ddiweddar yn cyflwyno rhai o'i lwyddiannau a'i gynlluniau mewn Cyfarfod Cyffredinol Blynyddol oedd dan ei sang.

Cafodd bron i 50 o bobl glywed am y gwaith sy'n cael ei wneud gyda phartneriaid lleol i roi hwb i'r economi lleol a dod â phobl ynghyd.

Amlinellodd Teresa Walter y Swyddog Twristiaeth y modd y mae llwybr beicio mynydd newydd Climach-x yn sicrhau busnes o'r newydd ar gyfer lleoedd fel Byncws Braich Goch, Corris ac wedi ennyn digon o hyder ymysg selogion lleol iddynt agor byncws ac ail siop feiciau ym Machynlleth.

Gweithredwyd y prosiect hwn, a gyllidwyd ag arian Ewropeaidd, gan Beicio Mynydd Dyfi gyda chefnogaeth ecodyfi, ac mae eisoes wedi creu 6 o swyddi yn y sectorau llety, arlwyo a gwasanaethau arbenigol lleol.

Mae ecodyfi yn chwilio am arian ar gyfer rhaglen hyfforddi sgiliau adeiladu llwybrau i ddilyn hyn fydd yn creu ymestyniad bychan i'r llwybr.

Cafwyd canmoliaeth i'r grwp gan Simon Thomas, cyn AS Ceredigion, oherwydd iddynt ysgogi pobl leol i fynd i'r afael â phynciau o bwysigrwydd byd-eang fel newid hinawdd.

Bu'n annog aelodau i osgoi'r perygl o wneud dim byd ond oherwydd bod y broblem i'w gweld yn un mor fawr.

"Ond i ni oll wneud ein rhan mi fydd yn gwneud gwahaniaeth", meddai.

Yn wyneb yr hyn a ddywedodd yw "ein sialens fwyaf", awgrym Mr Thomas oedd y gallwn ddefnyddio grym y prynwr i ddylanwadu ar fusnesau mawr, ein pleidlais i roi pwysau ar Lywodraeth a'n llais i addysgu'n gilydd.

Roedd yn dadlau o blaid cyflwyno treth ar danwydd awyrennau a chael mwy o gymhellion treth i ffafrio cerbydau sy'n llosgi tanwydd yn effeithlon.

Dywedodd ein bod ni i gyd yn wylwyr rhag y dilyw, cyfeiriad at chwedloniaeth yr ardal ynglyn â Chantre'r Gwaelod.

Arweiniodd Ann MacGarry o Ganolfan y Dechnoleg Amgen drafodaeth frwd ar yr effeithiau y mae ein dewisiadau ffordd o fyw yn eu cael ar y blaned, gan ddefnyddio offeryn monitro a elwir yn �l Troed Ecolegol.

Arwynebedd tir yw dangosydd y dechneg hon, ac mae'n amlygu y byddai angen bron i dair planed arnom i'n cynnal petai pawb yn byw bywydau tebyg i Gymry cyffredin.

Gan mai dim ond un blaned sydd gennym, mae ecodyfi a'r Ganolfan Dechnoleg Amgen yn bwriadu defnyddio'r offeryn yma i roi cymorth i bobl wneud penderfyniadau mwy gwybodus.

Fe ddaw pynciau megis prynu bwyd lleol, hedfan a gwastraffu defnyddiau ac ynni oll o dan y chwyddwydr.

Mae cop�au o Gylchlythyr ac Adolygiad Blynyddol ecodyfi, a chofnodion y Cyfarfod Cyffredinol Blynyddol, i'w cael yn Nhy Bro Ddyfi, 52 Heol Maengwyn, Machynlleth ac ar ein tudalen adroddiadau.

Rhagor o wybodaeth:

Nodiadau ar gyfer Golygyddion Grwp adfywio cymunedol Bro Ddyfi yw ecodyfi.

Mae ei sylw yn fwyaf arbennig ar gryfhau'r economi lleol drwy stiwardio adnoddau naturiol a diwylliannol mewn modd gofalus.

Caiff ei reoli gan Fwrdd ag arno 17 o bobl leol ac mae'n derbyn cefnogaeth gan Awdurdod Datblygu Cymru ac Amgylchedd Cymru.

Canolfan ymchwil ac arddangos arloesol yw'r Ganolfan Dechnoleg Amgen, ac mae'n cynnig ysbrydoliaeth, gwybodaeth a chyfle i bobl archwilio ffyrdd newydd o fyw.

Agorodd i'r cyhoedd yn ôl yn 1975, ac enillodd enwogrwydd ar draws y byd fel un o'r prif sefydliadau ym maes arddangos technolegau a dulliau o fyw ecolegol.

Bydd y Ganolfan Dechnoleg Amgen yn cyflwyno atebion ymarferol i broblemau amgylcheddol mewn modd hwyliog ac addysgiadol.

Cewch ragor o wybodaeth ynglyn ag ôl troed ecolegol yn www.wwf.org.uk/researcher/issues/footprint/index.asp a www.walesfootprint.org.

Ac os am gopi o adolygiad ecodyfi ar gyfer 2004, sydd newydd ddod o'r wasg, maent ar gael yn Nhg Bro Ddyfi, 52 Heol Maengwyn, Machynlleth.