Dathlu Dyfi

Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Y Plas, Machynlleth, Powys, SY20 8ER, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein Slleoliad - map mwy]

9/3/2011

Dathlu Dyfi

Mae Tirwedd Dyfi, un o’r prosiectau cyntaf Biosffer Dyfi, yn cynnal noson o’r enw “Dathlu Dyfi” yn Institiwt Corris nos Wener y 25ain o Fawrth.

Bydd y noson yn cynnwys arddangosfa o ffrwyth gwaith cyfres o weithdai mewn pedair ysgol leol yng nghwmni’r bardd enwog Twm Morys a’r artist Lynne Denman ar thema Tirwedd Dyfi. Crëwyd gweithiau celf gan ddisgyblion i gyd-fynd â barddoniaeth wreiddiol luniwyd ganddyn nhw, wedi’i ysbrydoli gan eu hardal, a bydd y noson yn cynnig cyfle i weld a chlywed eu dehongliad o Ddyffryn Dyfi.

Bydd gwobrau ar gyfer buddugwyr y gystadleuaeth Llun a Llên yn cael eu cyflwyno yn dilyn hyn, ac yna bydd cyfle i glywed eitemau ar gân a cherdd, wedi'i hysbrydoli gan yr ardal, yn cael eu dehongli gan dalentau lleol.

Bydd y noson yn cloi yng nghwmni siaradwraig wadd, Bethan Jones Parry o Ganolfan Tŷ Newydd a chyfle i’r gynulleidfa gynnig eu syniadau ar gyfer gwthio’r gwaith o ddod a gwerthfawrogiad o ddiwylliant a threftadaeth amgylcheddol ynghyd yn ei flaen.

Bydd y noson yn dechrau am 7.30 ac mae mynediad yn rhad ac am ddim. Bydd cyfieithu ar y pryd yn ystod y digwyddiad. Am ragor o wybodaeth cysylltwch a: 01654 793965.

Ymryson y Beirdd fydd digwyddiad olaf prosiect Tirwedd Dyfi, yng Ngwesty’r Llew Coch, nos Fawrth 29ain o Fawrth am 7.30.

Rhagor o wybodaeth:

Andy Rowland, Trefnydd ecodyfi 01654 703965
Gwawr Davalan, Trefnydd y noson 01650 531279

Nodiadau i Olygyddion:

Ecodyfi yw’r grŵp adfywio cymunedol ar gyfer Bro Ddyfi. Mae’n rhoi sylw arbennig i gryfhau’r economi lleol trwy stiwardio adnoddau naturiol a diwylliannol yn ofalus. Mae’n cael ei reoli gan Fwrdd o 17 o bobl leol, ac fe’i cefnogir trwy gytundebau masnachol neu grantiau, e.e. gan Lywodraeth Cynulliad Cymru, Partneriaeth Twristiaeth Canolbarth Cymru ac awdurdodau lleol.