Gweithredu yn lleol

Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion

Ydych chi yn..?
Berson lleol
Ymwelydd
Gwmni
Awyddus i wybod am ecodyfi
Gwaith:
Tirwedd Dyfi
Tir Cymunedol
Mentro Allan
Ôl Troed Dyfi
Trafnidiaeth
Twristiaeth
Ynni
Gwastraff
Masnach Deg
Biosffer Dyfi Biosphere
Cymunedau yn Gyntaf
Dysgu Gydol Oes
Manylion cysylltu
Y Plas, Machynlleth, Powys, SY20 8ER, DU. ffôn: 01654 703965 ebost: info@ecodyfi.org.uk

Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau.

Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!

[Ein Slleoliad - map mwy]

25/03/2011

Gweithredu yn lleol

Gofynnodd Menter Mynyddoedd Cambria (CMI) i ecodyfi eu cynorthwyo i gynhyrchu dogfen ‘cynllun gweithredu’. Bydd y ddogfen yn disgrifio beth mae pobl yn ei wneud i wella ansawdd a chynaladwyedd bywyd yn eu cymunedau. Bydd hefyd yn tynnu sylw at syniadau fydd ganddynt am weithredu pellach – pethau y gallwn eu gwneud ein hunain ar raddfa bentref neu leol, hyd yn oed pe byddai angen rhywfaint o gymorth o’r tu allan.

Bydd ein dogfen ar gyfer y lleoedd hynny sydd oddi mewn i ardal Biosffer Dyfi UNESCO, sy’n digwydd bod i gyd oddi mewn i ardal o ddiddordeb Mynyddoedd Cambria. Bydd yn cael ei ychwanegu at gynlluniau gweithredu rhannau eraill o Fynyddoedd Cambria, fel y gall pobl weld y darlun cyfan.

Bydd ar gael i gymunedau. Efallai y gwelwch fod pobl eraill â’r profiad o wneud yr hyn oedd yn eich meddwl chi, ac y gallwch ddysgu oddi wrthynt. Neu y gallwch wneud pethau mewn modd mwy effeithlon mewn partneriaeth ag eraill. Byd

d hefyd o gymorth i Fenter Mynyddoedd Cambria, Biosffer Dyfi, awdurdodau lleol ac eraill i ddeall beth mae pobl eisiau ei wneud, a sut mae’n bosib eu helpu. Gall hyn gynnwys eich cyfeirio at ffynonellau ariannol posibl, er enghraifft un o raglenni Cynllun Datblygu Gwledig a ariannir gan Ewrop, neu’r Arian Datblygu Cynaliadwy ar wahân a reolir gan Fenter Mynyddoedd Cambria ac Awdurdod Parc Cenedlaethol Eryri (“CAE”).

Gwahoddir i chi dweud wrth ecodyfi yn Y Plas, Machynlleth SY20 8ER (neu drwy info@ecodyfi.org.uk) am unrhyw weithgareddau neu awgrymiadau perthnasol. Peidiwch â defnyddio eich amser yn ysgrifennu llawer o fanylion, ac os yw’n haws gennych anfon dogfen sydd gennych eisoes, byddai hynny’n iawn.

Rhagor o wybodaeth:

Andy Rowland, Trefnydd ecodyfi 01654 703965

Nodiadau i Olygyddion:

Mae Menter Mynyddoedd Cambria yn fenter datblygu gynaliadwy, integredig sy’n ceisio adeiladu dyfodol economaidd llewyrchus i gymunedau’r ardal yn seiliedig ar eu perthynas â thirwedd arbennig Mynyddoedd Cambria.

Mae gan Fenter Mynyddoedd Cambria 4 prif thema neu linynnau o weithgaredd. Mae’r cynllunio gweithredu cymunedol hwn yn ceisio annog cymunedau i ddatblygu prosiectau sy’n cefnogi amcanion Menter Mynyddoedd Cambria ar draws y 4 thema hynny:

• Gweithio gyda ffermwyr a chynhyrchwyr i ychwanegu gwerth i gynnyrch lleol y mynyddoedd;
• Hyrwyddo’r amgylchedd lleol a’r gwasanaethau ecosystemau mae’n ei ddarparu ar ffurf atafaeliad carbon a storio dŵr;
• Hyrwyddo tirwedd arbennig Mynyddoedd Cambria fel pwynt gwerthu unigryw oddi mewn i’r hyn sydd gan dwristiaeth i’w gynnig yn yr ardal; ac yn olaf
• Gweithio gyda’r gadwyn anheddau sy’n amgylchynu ucheldir hynod o wledig y mynyddoedd. www.cambrianmountains.co.uk

Ecodyfi yw’r grŵp adfywio cymunedol ar gyfer Bro Ddyfi. Mae’n rhoi sylw arbennig i gryfhau’r economi lleol trwy stiwardio adnoddau naturiol a diwylliannol yn ofalus. Mae’n cael ei reoli gan Fwrdd o 17 o bobl leol, ac fe’i cefnogir trwy gytundebau masnachol neu grantiau, e.e. gan Lywodraeth Cynulliad Cymru, Partneriaeth Twristiaeth Canolbarth Cymru ac awdurdodau lleol.