Swyddi, cynhesrwydd a choedwigoedd glaw
|
|
Swyddi, cynhesrwydd a choedwigoedd glaw |
|
|
|
Cartref | Map safle | Dyffryn Dyfi | Map | Ymaelodi | Rhestr termau | Cysylltau defnyddiol | Cysylltwch â ni | Dweud eich dweud | Chwilio'r wefan | Digwyddiadau | Newyddion |
|||||||||||||||||||||||||||||||||||||
Ymaelodwch ag ecodyfi drwy! Rydym am i bawb yn y fro ymuno, ac nid yw ond yn costio punt! Galwch draw i Ty Bro Ddyfi neu anfon ychydig stampiau. Mae'r ganolfan wybodaeth ar agor ddydd Llun tan ddydd Gwener, 10 y bore tan 3. Efallai y byddwch hyd yn oed am ein helpu i'w staffio neu drefnu prosiect. Da chi dewch draw i'n gweld ni!
|
Swyddi, cynhesrwydd a choedwigoedd glawMae grwp adfywio Bro Ddyfi wedi creu agenda amrywiol ar gyfer y fforwm cyhoeddus fydd yn dilyn y Cyfarfod Cyffredinol Blynyddol yn ôl yr arfer. Eleni, cynhelir y digwyddiad yn y Neuadd newydd yn Y Plas ym Machynlleth, Nos Fercher, Tachwedd 18. Bydd hwyluswyr o Fenter a Busnes yn cynorthwyo’r rhai hynny fydd yn bresennol i feddwl am syniadau busnes newydd i’r ardal, gan ddefnyddio dulliau a ddatblygwyd gyda ffermwyr yn eu rhaglen Agrisgôp. Dywedodd Alun Jones, Cyfarwyddwr Menter a Busnes, “Mae hwn yn gyfle anarferol i ffermwyr a’r rhai hynny nad sydd yn ffermwyr weithio gyda’i gilydd. Rwy’n gobeithio y bydd un neu fwy o grwpiau gweithredu yn cael eu ffurfio o’r sesiwn yma, a hynny’n arwain at greu swyddi newydd yn y pen draw.” Yn dilyn hyn, bydd cyfranogwyr yn cael cyfle i siapio cynlluniau sy’n cael eu ffurfio er mwyn cyflwyno cais am £500,000 o gymorth grant y Llywodraeth. Y disgwyl yw i brif ganolbwynt y “Sialens Garbon Isel i Gymunedau” fod ar gynorthwyo pobl i ddefnyddio llai o ynni yn eu cartrefi. Yn drydydd, bydd arweinydd brodorol Cymdeithas Fiohinsoddol llwyth yr Ashaninka yn yr Amason yn disgrifio’r frwydr mae ei bobl yn ei hymladd ym Mheriw i wrthsefyll trin coed a chlirio coedwigoedd glaw yn anghyfreithlon. Dywedodd Martin Ashby, un o gyd-gadeiryddion ecodyfi, fod y pynciau tra gwahanol yma yn dangos sut mae ecodyfi yn ymwneud ag ystod eang iawn o weithgareddau. “Mae cryfhau’r economi leol yn bwysig iawn i ni,” meddai, “ ac rydym yn gweld, ar yr un pryd, bod y ddau beth, sef datgoedwigo a’r modd rydym yn gwastraffu ynni yn cyfrannu tuag at newid yn yr hinsawdd.” Mae croeso i bawb, yn breswylwyr a busnesau, fynychu’r cyfarfod blynyddol a’r fforwm, ond mae gofyn iddynt logi eu lle trwy ffonio 01654 703965. Mae’r digwyddiad yn dechrau am 7 o’r gloch, a bydd yn cynnwys bwffe rhwng y Cyfarfod Blynyddol a’r Fforwm. Rhagor o wybodaeth: Ecodyfi yw'r sefydliad adfywiad lleol yn Nyffryn Dyfi. |
||||||||||||||||||||||||||||||||||||
10/11/2009