|
Ymaelodwch
ag ecodyfi drwy! Rydym
am i bawb yn y fro ymuno, ac nid yw ond yn costio punt! Galwch draw i
Ty Bro Ddyfi neu anfon ychydig stampiau.
Mae'r ganolfan wybodaeth ar agor ddydd Llun tan ddydd Gwener, 10 y bore
tan 3. Efallai y byddwch hyd yn oed am ein helpu i'w staffio neu drefnu
prosiect. Da chi dewch draw i'n gweld ni!
[Ein
lleoliad - map mwy]
|
 4/10/2005
 -
ond trist yw ffarwelio â Celtica
Nos Sadwrn gwelwyd gorymdaith o 400 o bobl, y mwyaf erioed, yn gorymdeithio ar hyd Heol Maengwyn,
heibio i dwr enwog y cloc i'r Plas, gan oleuo'r strydoedd gyda llusernau trawiadol, a dod ag arian
sydd ei angen yn fawr i mewn i'r dref.
Gwelwyd 200 o blant yn cludo llusernau, yn ogystal ag oedolion, yn gyfranogwyr a pherfformwyr, i
gyd yn cael eu cyfarwyddo gan 50 o stiwardiaid, ac yn llenwi'r strydoedd gydag arddangosfa o lusernau
wedi'u seilio ar y thema Amser.
Dewisodd y Cyfarwyddwyr Artistig y thema Amser, nid yn unig oherwydd arwyddocâd treigl amser
a newid tymhorau oddi mewn i fytholeg dathlu'r Samhain Celtaidd, ond er mwyn hyrwyddo Cronfa Cloc
y Dref hefyd.
Roedd y trefnyddion yn awyddus i gefnogi'r apêl gan fod angen atgyweirio Cloc y Dref ar frys.
Fodd bynnag, er bod elw'r digwyddiad wedi'i glustnodi ar gyfer yr apêl, mae'r arian yn dal
yn brin - ond mae rhoddion yn dal i ddod i mewn.
Ariannwyd y digwyddiad, a oedd yn cynnwys 10 sesiwn a gynhaliwyd yn Celtica yn ystod yr wythnos
flaenorol, gan Awdurdod Datblygu Cymru, Cyngor Sir Powys, yn ogystal â busnesau lleol.
Wedi iddynt gyrraedd tir y Plas mwynhaodd y dyrfa arddangosfa wedi'i choreograffu o dân yn
troelli, ac a lwyfannwyd gan ieuenctid lleol talentog, ac arddangosfa dân gwyllt fendigedig
gan Lightworks FX o Feifod.
Mynegodd Ecodyfi, trefnyddion y dathliad, eu diolch i bawb a fu'n gefnogol, gan gynnwys Celtica
a'r staff, Mach Fringe, Equilibre, Kelvin Jenkins, Gemydd, Pwyllgor Carnifal Machynlleth, Cyngor Tref
Machynlleth, I.G.Owen a Hennighan's Top Shop, Roustabout, Rob Hewitt-Smith, Alan Davies, Byrne Scaffolding,
Major & Evans, Y Llew Gwyn, Gwesty'r Wynnstay a Blasau Delicatessen.
Roedd Ecodyfi'n arbennig o awyddus i gydnabod cyfraniad arlunwyr, gweithwyr a stiwardiaid gwirfoddol;
"roedden nhw i gyd yn wirioneddol fendigedig - allen ni ddim bod wedi gofyn mwy!" meddai Teresa Walters.
"Hoffem nodi'r bwlch fydd yna o golli Celtica hefyd, os na ddaw rhywun i'r adwy - a gobeithio bod
pawb bellach yn cydnabod arwyddocâd eu cyfraniad i'r gymuned a gweithgareddau diwylliannol yr
ardal."
Ychwanegodd Teresa fod tua 500 o'r dorf o 2000 yn ymwelwyr a oedd yn aros dros nos yn yr ardal.
"Roedd gwaith ymchwil a wnaethpwyd ar y stryd yn ystod y noson yn dangos fod y digwyddiad yn rhoi
hwb sylweddol i economi'r ardal," meddai.
Am fwy o wybodaeth:
Teresa Walters, Ecodyfi 01654 703965
Samhain:
Samhain yw'r dathliad hynafol canol gaeaf Celtaidd sy'n edrych ymlaen at ddyddiau goleuach.
Mae'n nodi diwedd y flwyddyn Geltaidd, ac yn amser llawn ansicrwydd a newid.
Mae'r Samhain, neu'r 'cynhaeaf olaf' fel y gelwid ef weithiau, yn nodi dechrau'r gaeaf a dechrau'r
flwyddyn newydd.
Mae'n amser llawn dirgelwch, a'r 'llen' rhwng y byd materol a'r byd ysbrydol ar ei theneuaf.
Ar y diwrnod hwn, yn ôl hen gred Geltaidd, dylem fyfyrio ar y pethau negyddol yn ein bywydau
gan addunedu i'w gwella.
Mae hefyd yn amser i deuluoedd, i ddathlu bywydau ceraint a choffhau'r rhai sydd wedi'n gadael.
Am fwy o wybodaeth
Andy Rowland, Rheolwr ecodyfi 01654 703965
|
