|
Ymaelodwch
ag ecodyfi drwy! Rydym
am i bawb yn y fro ymuno, ac nid yw ond yn costio punt! Galwch draw i
Ty Bro Ddyfi neu anfon ychydig stampiau.
Mae'r ganolfan wybodaeth ar agor ddydd Llun tan ddydd Gwener, 10 y bore
tan 3. Efallai y byddwch hyd yn oed am ein helpu i'w staffio neu drefnu
prosiect. Da chi dewch draw i'n gweld ni!
[Ein
lleoliad - map mwy]
|
 Ymunwch
â phrawf clytiau go iawn ecodyfi, gan arbed arian a lleihau ein
sbwriel.
Mae ecodyfi yn estyn gwahoddiad i bump o deuluoedd yn byw yn Nyffryn
Dyfi i roi prawf ar set o 'Glytiau Go Iawn'.
Mae clytiau go iawn yn olchadwy, yn braf i'w gwisgo, yn ffasiynol ac
yn gyfoes o'u cymharu â chlytiau tafladwy, a byddant yn arbed arian
i chi ac yn lleihau sbwriel.
Bydd y cynllun yn ategu lansio ymgyrchoedd clytiau go iawn yn ddiweddar
gan gyngor Powys a chan gyngor Ceredigion.
Bydd ecodyfi, gyda nawdd Amgylchedd Cymru, yn darparu set gyflawn o glytiau
go iawn a chymorth gwirfoddolwyr gyda phrofiad o'r clytiau drwy gydol
y prawf, fydd yn para blwyddyn.
Nod ecodyfi yw amlygu effeithiolrwydd clytiau go iawn o ran arbed arian,
lleihau sbwriel a gwneud eich babi'n gysurus.
Dangosodd profion blaenorol bod defnyddio clytiau golchadwy, dros gyfnod
o rai blynyddoedd, lawer yn rhatach na phrynu rhai tafladwy ac y gall
gymryd 500 mlynedd i un clwt tafladwy ddadelfennu mewn claddfa sbwriel.
Beth fyddwn yn ei ddisgwyl gan y teuluoedd fydd yn cymryd rhan?
-
Bydd gofyn i chi fod yn byw yn Nyffryn Dyfi.
-
Bydd angen i chi fod â chyfleusterau golchi clytiau o fewn
eich cyrraedd.
-
Bydd angen i chi fod yn fodlon i adroddiadau o'ch profiadau gael
eu rhoi i bapurau newydd a chylchgronau lleol a chenedlaethol
-
Bydd angen i chi fod â phlentyn sydd eisoes yn defnyddio clytiau
tafladwy, neu fod yn disgwyl geni eich plentyn ym mis Mehefin neu
Orffennaf
Os ydych yn ystyried ymuno â'r ymgyrch neu ond am gael rhagor o
wybodaeth am glytiau go iawn, ffoniwch Tom O'Kane yn ecodyfi ar 01654
703 965.
Neu islwytho'r ffurflen gais [dogfen
Word, 440kB] a'i dychwelyd.
|
