Wyddech chi fod rhan o waelod Dyffryn Dyfi yn cael ei gydnabod yn rhyngwladol fel ‘lle arbennig i bobl a natur? Cafodd ei ddynodi gan UNESCO yn un o’i ‘Gwarchodfeydd Biosffer’ yn y 1970au, ond nid ydym erioed wedi manteisio ar hynny.

Mae ardaloedd Biosffer modern yn archwilio’r modd y gall pobl leol fanteisio trwy amddiffyn y pethau sydd yn werthfawr ganddynt – gwybodaeth leol, iaith, diwylliant yn ogystal â’r amgylchedd lleol a byd-eang.

Ar ôl cynnal ymgynghoriad lleol helaeth, gofynnodd Partneriaeth Biosffer Dyfi i UNESCO am ail-gofrestru ardal llawer ehangach fel Biosffer Dyfi. Rydym yn disgwyl cymeradwyaeth yn gynnar yn 2009.

Maent wedi apwyntio Delyth Richards fel Swyddog Cyfathrebu â'r Gymuned ac mae ecodyfi yn ei chefnogi yn ymarferol: www.biosfferdyfi.org.uk.